官方FB上載外賣員癱坐IKEA梳化神秘照片 網民：Pizza Hut用錯帳戶發文？

Pizza Hut HK的官方Facebook過往的帖文多數是關於品牌優惠或新產品，不過今日中午突然上載一張神秘照片就引起網絡熱烈討論，相中一位身穿制服的外賣員癱坐在IKEA的陳列梳化閉目休息，黑色外賣袋就放在茶几上，這則帖文並無任何文字描述，令網友倍添好奇。

不少網友猜測會否是Pizza Hut的Facebook管理員一時忘記轉帳戶所致，照片可能原本純粹私人分享，亦有網友猜測Pizza Hut會否想表達早前推出的優惠太受歡迎，員工送外賣無停手而疲倦不堪，忍不住要在IKEA坐低休息。不少網友都表示已經cap圖為證，留名等睇Pizza Hut有甚麼回應。

當Pizza Hut還未回覆之際，照片已經成功釣出IKEA admin，留言抽水之餘，更順便宣傳自家品牌的肉丸：「張梳化係咪舒服到唔想返去開工呢? Pizza Hut HK嚟得IKEA宜家家居無食過我哋既肉丸點算嚟過呀?等我哋寄啲肉丸俾你哋慢慢食啦！」

相隔約一小時，Pizza Hut Facebook admin終於開腔回覆：「兩盒，thx~其實外賣哥哥犧牲色相都係為咗咁姐」兩個品牌的互動獲網友大讚成功收宣傳之效，又表示期待兩個品牌可以認真考慮合作。