呂慧儀最近是非纏身，先有被指因不滿TVB娛樂新聞台經常探班，發火嚇親女主播後，又有消息指有幕後爆料，指呂慧儀拍劇期間耍大牌，力數她「扮阿姐三宗罪」，而緋聞男友張景淳不忍女方被攻擊，也出手在IG打千字文反擊，暗諷有人無中生有。
繼被指態度欠佳喝走前來採訪的女主播後，呂慧儀再被幕後工作人員爆料，力斥她另外兩宗罪，指她經常擺「阿姐」款鬧特約演員，就連群姐、池美麗和食屎陳師奶都有試過被鬧，令她們大感委屈。
除此之外，幕後人員更斥最大罪名是指她公器私用，與緋聞男友張景淳借用VIP化妝間密會三小時，當正自己係阿姐。
受牽連的張景淳得知消息後，就立即在IG寫超過400字長文維護呂慧儀，每點都逐一反駁。內文如下：
我覺得有必要講清楚，因為實情是工作反而被亂說係好委屈的。前幾天幫忙為蟹（呂慧儀）完成錄製網上廣告片。在根本沒有多餘時間剩的全廠full schedule工作天裡，蟹趁中午lunch break把握時間，借用了化妝間裡面；備有獨立洗手盤(和設有24hr監控鏡頭的)的vip化妝房間作拍攝用途，拍攝洗手示範片段。分開了兩天拍攝(第二次因要補拍追加內容)。兩次每次分別借用大概10分鐘左右，拍攝了合共20多30個take的家居洗手示範廣告片，務求拍出一條最好效果的成品交貨。(自己看圖）
（不負責的知情者，你對眼咩事呢？生理時鐘定隻錶有問題？定以為個間係精神時光屋裡面十分鐘=外面三個鐘？好喜歡造謠？不如唔好咁啦）
另外，成個團隊都知道，蟹係一位人前人後都表裡如一，為人率直大情大性的藝人。平時十分照顧團隊，對業餘特約表現顯得很迷茫的時候或持續達不到所需要求時，都會盡量幫助，提點和示範。
無論係互相幫忙拍片，定演員間互相提點幫助大家做好啲，大家一直都係貫徹緊一個團隊/一家人嘅精神。盡力喺有限時間有效率完成工作。所以作品先至日日速遞到俾大家。
我覺得今次有點不公平
明白的，最近無新聞。
就這樣吧。
張景淳對呂慧儀深表同情，他說：「如果一個女人日日努力工作，日拍夜拍，接Job賺錢養家湊仔，Lunch都唔食，實在唔應該畀你位閒來無事嘅幕後知情者嚟它作講閒話，好人都畀你激死。」更上載多張圖片，力證兩日來為呂慧儀拍片的證據，拍片鋪滿幾版相簿。呂慧儀見到好友護航，馬上留言表示無奈：「我看到的是報業間的競爭，對家寫完，梗係要寫返多啲，寫返爆啲。 」
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
