疫情一波接一波，避疫最佳地方莫過於留在家中，因此，你我都盡力留在家工作、上課、娛樂，但大家要注意，每日在家長時間上網處理工作、做功課、煲劇打機等而缺乏運動，久而久之唔只會令抵抗力下降，更會出現頸梗膊痛、腰痠背痛、肌肉鬆弛等一連串有損健康的問題。唔想咁？可以參考以下家居健身運動，每日keep住做，便可以強健身心應對疫境。
帶氧運動強心肺
健身室關閉，又唔想跑街，在家中一樣可以進行帶氧運動強化心肺功能。原地跑10分鐘，每2分鐘休息30秒。
健肌運動─弓步蹲
肌肉支持身軀活動，有肌肉便有健康，因此鍛煉肌肉十分重要。左腳踏前，右腳接近單膝下跪，保持姿勢2秒，交換腳再做，每隻腳做10次。
健肌運動─深蹲
雙腳站立，距離與肩膊同樣闊，臀部向後推，如坐無形櫈，膝蓋微彎但不超過腳尖，重複做10次。
收腹運動─Plank
在家娛樂離不開上網煲劇、打機，一邊上網一邊歎零食汽水，日日如是，肚腩自然會出現！一於從今日起每日花10分鐘做Plank，每次保持姿勢1分鐘，便可強壯腰腹核心肌群，有效收腹。
伸展運動─肩頸
無論在家工作或做功課，經常長時間低頭望住個mon，肩頸肌肉難免會繃緊，導致肩頸痛。係時候做吓伸展運動，頭傾向左邊或右邊，用手按壓頭部保持拉扯感覺約10秒，放開手，讓頭傾向另一邊再做，每邊做5次。
伸展運動─手腕
使用電腦、手機打字或打機打得多，容易導致手腕筋腱勞損，因此記得為手腕做伸展運動。手臂伸直，手掌向上，用另一隻手將四隻手指連手腕向下按壓，使指尖向下，交換手再做，每隻手做10次。。
大家在疫境下明白身體健康最重要，因此，每日抽大約30分鐘在完成以上運動，讓身心保持最佳狀態，面對疫境無有怕！
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
