長時間戴口罩勒住耳仔又痛又唔舒服!超簡單3招快速解決耳仔疼痛問題

2020.04.22

新冠肺炎疫情持續,平日出街、返工都要長時間戴住口罩,口罩橡筋繩長期勒住耳仔難免會搞到耳仔又痛又唔舒服。今次就教大家3個超簡單方法,快速解決耳仔疼痛唔舒服的問題,而且需要的用具都好簡單,平時喺屋企、辦公室都會搵到,以後就唔怕耳仔痛啦!

按圖睇詳細步驟啦!

方法一

所需材料:化妝棉、剪刀、雙面膠紙

步驟:首先將化妝棉剪開一半,再於化妝棉貼上雙面膠紙,將化妝棉圍住口罩橡筋繩貼好就完成。有軟軟的化妝棉包住就唔會勒痛耳仔!

方法二

所需材料:髮夾

步驟:將髮夾夾在口罩橡筋繩的上方,再連埋口罩用髮夾夾在頭髮上固定好,口罩橡筋繩就唔會勒住耳仔!

方法三

所需材料:萬字夾

步驟:將萬字夾夾在口罩橡筋繩的中間,再將兩邊橡筋繩夾埋一齊,這個方法仲可以調整口罩鬆緊度!

 

下一頁

緊貼最新疫情消息

最新疫情消息
立刻訂閱Telegram優惠頻道:

U Lifestyle自家節目登錄《U TV》專區!

↓↓試玩、試食、試用影片任您睇↓↓

試玩、試食、試用影片任您睇

評語

獨家優惠

輕掃查看其他優惠