講到經其多人合作遊戲，不少人都會立即諗到《Overcooked》，其遊戲創作團隊即將在4月28日推出推出另一款遊戲新作《Moving Out》（胡鬧搬家），以搬屋為主題，多人玩法似《Overcooked》般需要4人合作，講求超高要求的團隊合作，成班朋友一齊玩有笑料之外，難免會發生亂撞又爭吵的情況！
遊戲支援單機及最多４人遊玩，在每局遊戲中，玩家需要在限時之內將指定傢俱搬到貨車，遊戲會按完成時間分發金、銀、銅牌的獎勵。另外亦有額外獎勵目標，完成後可獲額外獎勵，解鎖不同關卡或角色。
點擊圖片放大
實際玩法上類似《Overcooked》，想要順利將傢俱搬到貨車有一定難度，遊戲有分為大型及小型傢俱，大型傢俱必需要2人合作搬運，而小型傢俱較輕可以走捷徑或拋出窗外，所以單人版遊戲要搬運的話相當費時。
輕的傢俬可以直接拋上貨車，大型傢俬都可以兩個人一齊拋。而玻璃窗就可以直接打爛，縮短搬傢俬的路程。
點擊圖片放大
遊戲中亦必需要將所有傢俱搬上貨車方為完成，所以想快快手過關最好就搵齊朋友一齊玩，不過遊戲中亦有「輔助模式」，萬一不能過關的話，亦可以改一改規則！
部分關卡更加要避開會幽靈和會走動的大型傢俱，一不留神被捉到就要回到屋外重頭開始！
點擊圖片放大
《Moving Out》將在4月28日正式推出，將推 出Steam、Nintendo Switch、PS4等版本，有興趣的朋友記得留意啦！
Nintendo Switch：＞＞按此＜＜
PS4：＞＞按此＜＜
來源: Nintendo Switch
▼即睇最新遊戲情報▼
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
《社群狂歡大激賞》！送hellolulu最新系列袋款🎁！
