46歲蒙嘉慧與老公相愛14年完全冇嗌交 因一句冧爆說話決定與鄭伊健其度餘生

2020.05.25

46歲蒙嘉慧自2013年約滿TVB,加上與拍拖多年鄭伊健結婚後,就一直未有活躍於電視圈。近日TVB播出的劇集《飛虎之雷霆極戰》,蒙嘉慧再次亮相,與三哥苗僑偉合作且有感情線。7年沒有在TVB的蒙嘉慧,外貌十年如一,依然咁靚。

蒙嘉慧今次再拍劇後接受傳媒訪問,當中分享與老公鄭伊健的生活點滴,她提到以前拍戲成日整到周身傷而不自知,趁疫情留家就與老公互相拉筋做運動。

蒙嘉慧與鄭伊健於2006年認識,相愛14年都竟然沒有吵過架。蒙嘉慧曾於電視節目講過認定鄭伊健的原因,緣於最愛的婆婆患癌經常出入醫院,她說:「醫院成日叫我返去,伊健次次陪我,我唔好意思。嗰日我話自己去睇婆婆,點知真係走咗。」蒙嘉慧自言已習慣獨立,覺得這些事應該一個人解決,後來她一時感觸:「伊健凌晨5點打嚟問我去咗邊,我話屋企有喪事唔可以去人哋屋企,佢話:『你過嚟啦,一個人會好難過。』佢令我覺得佢就係我嘅家,好值得相信。呢個人會陪我到老,都幾好呀。」

與鄭伊健相處多年來,蒙嘉慧大讚對方是好男人,從來都不會發脾氣,只透過打機放下壓力:「佢話打機係唔畀自己去諗唔好嘅嘢。」蒙嘉慧於發生交通意外,需要賠償巨額,她想尋根究底時,鄭伊健擔心她很大壓力,叫她不要煩著人家。但她不放心,堅持之下一度發生過爭執。最後鄭伊健主動讓步,說了一句:「我永遠支持你。」連朋友聽後都讚他很痛錫蒙嘉慧,兩人至今恩愛如初。

圖:IG@蒙嘉慧

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【U Lifestyle App聖誕周年慶】DayDay送大禮!↓

↓勁送機票/電話/遊戲機等巨獎!↓

↓勁送機票/電話/遊戲機等巨獎!↓

↓【聖誕送禮】送Soul Emotion Pro / Emotion Max耳機!↓

↓立即參加贏走!↓

↓立即參加贏走!↓

評語

相關文章