周柏豪與袁偉豪主持的《兩個小生去Camping》最新一集兩人揸大型越野車上山露營，晚飯過後又再大談心事，一路睇兩人有份演出的《使徒行者2》，袁偉豪一時感觸重提當時剛剛跟岑杏賢（Jennifer）分手，回復單身。
袁偉豪邊回顧劇集片段，回想起往事，表示當時拍攝時剛分手，幸得拍檔黃翠如日日開解自己，聽自己講心聲。他説：「當時係16、17年，我人生處於好傷感嘅時間，啱啱回復單身就喺深圳開緊工，一路開工一路諗點搬屋，點樣買過晒啲傢俬。當時同黃翠如好多對手戲，佢日日同我傾偈，開解我，嗰陣時工作畀到我另一種忘我，好似自我麻醉咁，之後塑造咗『天堂哥』呢個角色，我覺得係屬於袁偉豪嘅另一個誕生。」
袁偉豪跟岑杏賢曾拍拖3年，於2016年尾分手，有指異性緣旺的袁偉豪未能給女方安全感，令岑杏賢對他失去信心。不過，兩人分手後仍是朋友，袁偉豪於2016年憑《城寨英雄》贏得「最受歡迎電視男角色獎」時，亦不避諱地公開多謝舊愛：「我呢幾年忽略咗身邊人，尤其係最近3年。多謝Jennifer，呢個獎你有份！」
如今兩人感情生活各自各精彩，袁偉豪跟張寶兒拍攝《打工捱世界Ⅱ》撻著，至今感情穩定，近期更聯名買6,568.3萬豪宅築愛巢，證明認定了對方。而岑杏賢單身三年後，今年2月與加拿籍圈外才俊男友甜蜜度過第一個情人節，在IG大方分享一束玫瑰花和心型甜品的照片，前度袁偉豪留言寫下「Bless both of you」表示祝福。
點擊圖片放大
圖：IG@袁偉豪、岑杏賢
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【免費送💝】ghd限量冰藍美髮造型夾✨
↓一機兩用 雙效熱風造型！↓
