早前TVB新節目《我要做業主》請來了2016年港姐冠軍馮盈盈分享置業心得，重提於2018年同前醫生男友鍾文浩以2000萬賺入何文田565呎兩房海景單位連天台單位，並以過來人身分向情侶分享置業的問題。
馮盈盈講到當年觸發她置業的念頭，她說：「工作幾年儲咗啲錢，覺得喺香港必須置業。」於是就開始計劃，最初馮盈盈透露與前男友本來打算買800萬沙田上車盤，因為家人住在沙田，相對比較方便，不過後來有朋友說服她，所以她由首選沙田區轉購入何文田新盤單位。
點擊圖片放大
當時馮盈盈沒有告知父母已經付了錢，而單位只歸前男友名下，可惜兩人最後還是分手收場，馮盈盈事後問過父母，笑言他們一早知她會出事，當今次經驗交學費。
點擊圖片放大
馮盈盈以過來人身分分享心得，她坦言當初忽略樓換樓的投資方式：「我一嚟就想買Dream House，感覺好似一步登天，但忽略咗其實可以樓換樓。」她亦不建議情侶分前就與另一半置業：「未結婚，未有名份之前要合資做投資嘅話，事前一定要將啲嘢講得好清楚，數還數要分明。因為之後喺文件上同賬面上要處理，比較複雜同麻煩。
馮盈盈根據上次失敗經驗，講到買樓切忌大貪，同時要求樓齡細、地點方便又要面積大，3個條件裡面最多只能揀2個，佢話：「先買一人可以負擔起嘅物業，再慢慢轉上去，就會少好多拗撬。」馮盈盈經一事長一智：「我冇因為之前經驗嚇怕咗，我對樓市仍充滿信心。嚟緊我會買啲貼地啲，大眾比較鍾意嘅，實際啲。」
圖：我要做業主、IG@馮盈盈
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
