TVB劇集《殺手》即將大結局，劇情去到尾聲，不少反派陸續登場，例如剛剛坐上Overbeck主理人之位的Dino（何遠東飾）。不過，何遠東的演繹卻被不少觀眾嫌太過浮誇，直言「令人睇到好尷尬」。
劇情講到Dino控制了Overbeck的運作，更想透過電腦化管理讓經理人交出手上的殺手資料，由他中央分配任務給殺手。不過一眾經理人並不買帳，查理（鄭子誠飾）更直言「唔啱規矩」。
之後Dino去查理的店內打算偷走蘇菲亞陀錶，想將名單資料據為己有，不過失敗。死心不息的他向查理老婆（孫慧雪飾）埋手，更帶Yumi去其手下Amoeba的Studio，藉此要脅查理交出SD卡。
不過，何遠東演繹的Dino卻被不少網民批評太過浮誇，直言「睇到好尷尬好辛苦」：「原本鍾意睇肥仔，但這劇演得太誇，頂唔順，唔想見到佢」、「做戲好浮誇，七情上面，就黎做到啲鼻同嘴跌曬落黎，睇到我好辛苦」、「呢個肥仔Dino真係麻麻 ，以前明明演技仲好d」。
與此同時，Zero（陳豪飾）趕去工廈救出好友妻子，更迅速KO對手Amoeba。雖然Amoeba出場時間不長，但一身與Boy George有幾分相似的造型打扮卻非常搶鏡，引起不少觀眾關注
儘管Amoeba濃妝豔抹，亦有眼利的網民認出其實他就是《開心速遞》的「池子孝」阮政峰。有網民認為何遠東演繹的角色欠缺邪氣，覺得阮政峰在造型或散發的感覺更似Boss：「池子孝個造型仲似boss 過佢（Dino）」。
來源：《殺手》
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
↓《社群狂歡大激賞》↓
↓送香港迪士尼樂園1日標準門票60張！↓
