龔嘉欣憑劇集《殺手》飾演癲喪殺手Nana一角人氣急升，近年嘉欣的確在演出上有不少突破，例如今年初的《大醬園》中她飾演反派，陰險的一面就令人毛骨悚然。拍劇方面嘉欣是個大膽的演員，勇於挑戰不同的角色，但理財方面，嘉欣就自問非常保守，多年來僅憑一招儲錢術，令她不經不覺儲下一筆可觀的積蓄，今年初更被爆豪擲900多萬買樓，初嚐做業主滋味。
龔嘉欣去年底與朋友合資7位數於馬來西亞吉隆坡開火鍋店，出入又以名車代步，今年二月她被爆豪擲935萬購入將軍澳維景灣畔一個單位，有指她忽然富貴是因為秘密和一名馬來西亞富商交往，對於種種傳言，嘉欣都一笑置之，事實上，嘉欣並非忽然富貴，而是多年來慳慳埋埋的成果。
嘉欣接受本網訪問時表示自己理財方面偏向保守型，她笑言自己是「股票殺手」，有過買乜跌乜的經驗後就決定不再買股票，目前傾向保本為主，頂多做定期存款收利息。她入行多年都貫徹慳妹作風，她表示自己由細到大都喜歡儲錢，不太愛花錢，自16歲做模特兒就已經有儲起收入的習慣。可能個個都想儲錢，但很容易一出糧就不小心把全份人工都花光，所以儲錢都要儲得有方法。
她分享自己的儲錢心得：「好耐以前我已經開咗兩個戶口，一個係出糧，一個係儲蓄，每個月出糧第一時間就將份糧的一半轉去儲蓄戶口，平日所有開支只會用出糧戶口的錢，如果發現不夠錢，就只會提醒自己要慳啲使，除非真的有非常逼切的需要，否則基本上都不讓自己動用到這個儲蓄戶口的錢，過一段時間再查看這個儲蓄戶口，我可能突然發覺原來自己已經儲了不少錢，其實都幾有滿足感。」
圖：IG@kungkaty
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
【免費送💝】ghd限量冰藍美髮造型夾✨
↓一機兩用 雙效熱風造型！↓
