前TVB藝人林子博的太太董燕君（Shirley）去年確診患上罕見癌症平滑肌肉瘤（腹腔）第4期，現正積極面對治療的Shirley，經歷化療電療後病情一度好轉。可是本月初病情告急，需入院治療並要打嗎啡針，雖然可以出院，但不久Shirley又再度入院，接受微創手術助她減少痛楚，以及戒掉嗎啡。
林子博太太在社交平台談及入醫院做微創手術的感受，她說：「上次（1/8）入病房第一個見嘅醫生，佢同我講，如果你有事，我哋係唔會用心肺復甦法搶救你，因為你做過化療啲骨好脆弱，會承受唔到，我當時心諗，點解講到好似就快死咁嘅！今次（21/8）再入醫院，我再次見到呢個醫生，因為我個腫瘤好痛，佢幫我做咗一個微創治療，做之前，佢同我講，做咗都好嘅，如果你有咩心願未了，襯呢段時間可以做埋佢！又係講到我好似就快死咁！」
醫生的說話讓她感到憂心，林子博見太太如此煩惱，馬上鼓勵太太：「點解有啲醫生，可以做到顧問醫生、甚至教授？因為佢哋有鍥而不捨嘅精神，不斷思考同研究點樣醫好病人，唔會咁輕易放棄！所以有料嘅醫生，更加唔會同病人講一啲放棄嘅說話。雖然睇你呢個係腫瘤科醫生，但好明顯佢只係打份工嘅心態，少做少錯！唔做唔錯！老婆，呢位醫生唔使理，因為佢唔係你嘅主診醫生！」
不少網民亦有留言為Shirley打氣，而兩人的囝囝知道現時未能到醫院探病，所以拍片「變魔術」影片氹媽咪開心，十分乖仔。
圖： FB@林子博
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
