你要識揀!早餐點食至有「營」?

2020.08.31

一日之計在於晨,早餐的重要性相信都唔洗我多講,全日流流長,唔食返餐好嘅邊有能量應付全日嘅工作呢?而且人一日50%至70%嘅營養都係由早餐獲得,既然早餐咁重要,你又知唔知點食可以更健康?即刻睇睇以下幾個貼士啦!

點食蛋最有營養?

蛋,絕對係早餐其中不可或缺嘅元素,因為佢營養豐富,有蛋白質、維他命A、D同埋健康嘅脂肪等等,足夠嘅蛋白質仲可以減肥添,而且蛋都有好多唔同做法,帶嚟嘅蛋白質含量都唔同嫁。白煮蛋係最多嘅,有99.7%,而煎半熟荷包蛋就有約98%,再之後依次就係炒蛋、蒸蛋、蒸全熟荷包蛋,最後係生蛋,只有30-50%。如果人體缺少咗蛋白質,免疫系統就會變差,感染病毒嘅機會都會增加嫁~
 

牛奶會致肥同導致暗瘡?
奶都係另一樣早餐會諗起嘅飲品,不過就有唔少爭議,有啲人話其實唔應該飲牛奶,咁到底飲定唔飲好呢?成日都聽到飲牛奶可以補鈣,的確適量飲用係可以有助補鈣,身體缺鈣的話會引致失眠、容易攰,甚至會對情緒造成影響,容易出現抑鬱問題。不過如果過多就反而會增加骨折風險。

牛奶亦含有脂肪,所以要留意飲用份量,否則就會好容易變肥同攝取過多脂肪。另外都有人話飲牛奶會導致暗瘡,牛奶同埋奶類製品都含有天然激素,容易增加油脂分泌,脫脂或者低脂奶會更刺激暗瘡爆發,所以如果有呢類問題嘅朋友就更加要留意啦~
 

全麥方包最重要的成份係?
相比起普通白方包,有唔少人會更喜歡全麥方包,覺得纖維含量高,但原來市面上有部分麥包只係用黃糖或焦糖等將白麵包染成啡色,營養成分實際上同白麵包無分別,白麵包嘅第一成分其實都係小麥粉,所以「全麥」不一定等於健康,甚至真正高纖嘅全麥粉仲排得後過糖,即係糖含量比全麥粉仲要高,所以揀麵包記得係要睇全麥粉嘅位置呀!仲可以睇埋佢嘅橫切面,全麥方包嘅空隙都會比較大,而且仲充斥麩皮。


有咩空肚唔食得?
瞓咗一晚,之前一日食嘅嘢都消化晒,原來有啲食物空肚進食都會對身體造成一啲負擔,就好似好多港人鍾意每日一杯嘅咖啡,因為咖啡因、濃茶呢啲都屬於刺激性食物,如果佢哋接觸到胃壁,就會刺激胃酸分泌引致胃痛,所以記得要配其他食物飲用呀。

另外高升堂指數食物都唔應該食,例如係糯米、壽司、麻糬等,呢啲食物容易令到血糖大起大跌,嚴重嘅話仲會導致冒汗、乏力等症狀。
 

雖然早餐嘅食物普遍都唔係太刺激性,不過唔同食物對唔同嘅人都有唔同嘅效果,所以大家應該要了解吓自己嘅體質再去揀適合自己嘅早餐呀!

立刻訂閱Telegram優惠頻道:

《UU熊 Home Chat》新登場!

↓↓Chat一Chat 即攞Stay Home Tips!↓↓

Chat一Chat 即攞Stay Home Tips!

免費睇《網購愛好者必讀!網購全攻略2020》

↓一次過睇盡最新必睇必買網購資訊!↓

一次過睇盡最新必睇必買網購資訊!

評語

各區優惠、玩買食熱點!
港生活
《香港好去處地圖》
Click一Click就知道! 立即用

各區優惠、玩買食熱點!
港生活
《香港好去處地圖》
Click一Click就知道! 立即用