港男對情侶買樓應否AA制感迷惘 怕要求夾錢顯得男方孤寒：會唔會覺得冇承擔？
不少情侶計劃結婚時，都會考慮置業問題。可是香港樓價長期高企，並非能夠以一人之力能承擔。最近有位男網民在討論區以「買樓嘅錢應該男仔出哂 定 夾錢?」為題，問及其他人的看法，引起熱烈討論。
該名男網民在討論區「連登」發問，問及情侶買樓應否AA制，「買一層 百幾萬至千萬嘅樓，應該男仔出哂定男女方夾錢好？落名果度，如果最後係男方果邊出哂，層樓業主都要寫雙方個名定剩係女方個名??」
他又怕如果提出夾份買樓，女方「我想問如果夾錢會唔會顯得個男好孤寒、計婆乸數、冇承擔力、唔夠gentlemen、斤斤計較又小家？」又指「男女食飯AA都覺得個男孤寒啦，何況買樓」
點擊圖片放大
此文一出引起其他網民熱烈回應，網民質疑「你食咩飯食到幾百萬至一千萬？」意指買樓不能與一般消費相比，認為現時市況「而家個情況，正常首期兩邊都要出啦？」亦有網民表示，視乎兩人的能力，如果雙方都有收入，合力供樓就較為適合，只是比例問題。而且如果單靠一人之力，若對方沒有父幹，完全依賴另一方就會好易爆煲，所以最緊要一五一十傾清楚。
來源：連登
港生活人氣本地熱話
↓請您去英匯劍擊學院小小劍士體驗及實戰班↓
↓額外免費體驗一次Fencing Night實戰班↓
↓勁賞KAGOME升級版「野菜生活100」體驗套裝↓
↓甘筍蔬果汁、提子蔬果汁↓
