港女港鐵站被偷名牌銀包 賊人捷足先登到超市狂碌14萬 揭觀塘多處有集團式扒手

2020.09.07

近日有名港女在Facebook發文,講到自己在港鐵站被偷銀包,正想打電話到銀行信用卡中心報失時,卻收到電話指信用卡剛有交易,合共花費19萬元,女事主得悉後馬上報警,事後發現集團式扒手近期活動活躍,於是發文叫大家小心。

女事主在Facebook群組「巴打絲打 Facebook Club」發文,講到自己身上價值13000多元的Hermes銀行於港鐵觀塘站被偷。事主表示:「8月25日我放工返屋企期間俾人偷咗銀包。喺觀塘站上車,車門準備關閉嘅時候,有一個男人推咗我一下,我望咗佢一眼,但當時冇太在意,事後回想佢當其時眼神係有啲閃縮。前後唔夠半個鐘,返到屋企附近諗住買嘢嘅時候,打開袋搵銀包,先發覺唔見咗。以為留咗喺公司於是打俾同事請佢幫手搵吓,同一時間電話入,係信用卡公司打電話俾我,問我係咪有一筆$69,300既簽帳,當其時先確認係唔見咗銀包。其後我問信用卡公司,攞咗簽帳嘅商店名稱同大概地點,同一時間亦打俾另一間信用卡公司報失,但已經太遲,另一張信用卡已經俾人 ,碌咗$50,000,分別喺油塘超市同萬寧,我估計係買咗現金卷,佢之後可以再賣掉套現。我再加埋銀包、現金總共損失差唔多$70,000,都可以幾肯定,今次係遇到扒手。」事主一共損失了14萬。

她發文的用意旨在警惕網民,事主表示事後才得知觀塘有很多集團式扒手:「報失後得知原來觀塘一帶有好多集團式嘅扒手、老童等,流連係金沙機舖同觀塘馬會,自問平時都幾小心,但都俾人有機可乘,可想而知,呢班扒手係專業嘅」所以她希望自己的經歷可以提醒市民:「呢段時間經濟唔好,偷竊甚至搶劫案發生得越嚟越頻繁,希望可以提醒大家要更小心啲保管自己財物。因為未發生係我自己身上之前,我都唔敢相信會咁容易遇到這種事情。」事後網民表示出街都要少帶現金及信用卡,以免賊人看中自己。又表示最緊要事主無事,銀行又不用她還款,免卻了錢財損失。

立刻訂閱Telegram優惠頻道:

【港生活6周年大激賞】入App贏至「嘆」巨獎!

↓↓第四擊送Microsoft Surface Go 2平板電腦↓↓

第四擊送Microsoft Surface Go 2平板電腦

免費睇《網購愛好者必讀!網購全攻略2020》

↓一次過睇盡最新必睇必買網購資訊!↓

一次過睇盡最新必睇必買網購資訊!

評語

各區優惠、玩買食熱點!
港生活
《香港好去處地圖》
Click一Click就知道! 立即用

各區優惠、玩買食熱點!
港生活
《香港好去處地圖》
Click一Click就知道! 立即用