鄧麗欣台式茶飲店生意不跌反升疫市下登陸香港 Stephy化身一日店長甜讚男友王子夠專情

文: 王庭芝
2020.09.10

女星鄧麗欣(Stephy)前年進軍飲食界,在台灣創立茶飲店「1011 SIP TEA」,雖然近年市道麻麻,但Stephy的生意反而越做越好,今年更終於在香港開店,昨日Stephy現身銅鑼灣Pop-up store化身一日店長,親自落場泡製特飲,她被問到有否為男友王子沖過特飲,就甜蜜回應:「佢比較專情,就算比好多其他款式佢揀,佢都淨係揀珍珠奶茶!」

鄧麗欣(Stephy)在2018年與友人初嘗創業之味,不在香港開店,反而在男友邱勝翊(王子)的家鄉台灣開設茶飲店「1011 SIP TEA」(一口吖吖)試水溫,短短兩年就在全球有10間分店,遍佈東南亞和美加等地,今年8月終於開到香港,於旺角首設分店,昨日再於銅鑼灣開設期間限定店,又透露Pop-up store下一站會到沙田,雖然今年受新冠肺炎情影響市道低迷,但Stephy依然在「疫市」下擴充業務,絕對膽識過人。

Stephy坦言:「我都覺得我哋好有勇氣, 但見到疫境下我哋其他國家嘅加盟店好努力去做,成績愈嚟愈好,仲有錢賺,比到信心我哋決定喺香港開店,同時希望同做得好辛苦嘅飲業界朋友打下氣。」

昨日銅鑼灣Pop-up store開幕,老闆娘Stephy化身一日店長即場泡製招牌茶飲招待來賓,被問到男友王子有否飲過Stephy親手調製的愛心茶飲?Stephy甜絲絲回答:「佢好似未飲過呀,因為我淨係識沖啲最基本嘅茶飲,佢比較專情、專一,就算比好多其他款式佢揀,佢都淨係揀珍珠奶茶。」

圖:邱勝翊IG

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】尚品即食燕窩銀耳露!↓

↓ 滋陰養顏助消化!/ 獨家優惠:HK$30網購電子現金券!↓

↓ 滋陰養顏助消化!/ 獨家優惠:HK$30網購電子現金券!↓

↓【社群請您睇】 "The Parallel Live" 音樂會↓

↓ 周國賢x方皓玟聯手合作↓

↓ 周國賢x方皓玟聯手合作↓