最新一集《東張西望》講到有位事主T誤信「投資達人」的指點，用了長年約租下一個700呎單位，有意裝修成劏房後再出租，本以為可以每個月淨袋兩、三萬。不過裝修過程中疑似中伏，因為「投資達人」轉介設計公司裝修後，發現其裝修十分騎呢，有機會做成重大損失。
事主T先生上過該名「投資達人」開辦的課堂，又為T先生找到10年長租約的舊樓單位，然後再幫手裝修。據知該設計公司屬「投資達人」旗下，當時T先生得到裝修報價：「當時佢報價一間劏房裝修由6萬5千至7萬左右，之後扣埋租金等開支，可能都淨賺2、3萬左右。當時佢冇畀過圖紙我睇，但我就照畀錢佢開工。」
當時T先生又沒有想太多，只覺得不用工作每月就有穩定收入幾好，於是T先生投資數十萬裝修。不過過程中愈見唔對路，裝修遲遲未完工之餘，更發現劏房設計十分騎呢。
除了門口下方位置離奇中空，被主持人利穎怡笑指送飯用外，廁所更加騎呢！因為地台位置奇高，又沒有任何屏風阻擋，如廁十分不便。加上電線外露，鋅盤為遷就洗衣機變得奇細，令T先生十分擔心完工後難以將單位出租。
於是T先生拒絕付尾數，並向對方索償，可是對方反而向T先生追討100萬裝修尾數，稱是工程和公司師傅停工費用。《東張西望》又問到設計師，他拒絕出示圖則，指自己設計單位毋須圖則。看來T先生今次真是得不償失。
圖：TVB
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
