必學！晚餐食得健康大法

第一招 -「早」

食得早的晚餐，可唔可以叫晚餐？香港人放工可能已經晚上7、8點，而早期一般的報告好多都指出晚上7點是最佳的晚餐時期，但隨住時代演變亦有報告指出，只要大家盡量在晚上9點或睡前4小時食晚餐亦可以。

因為如果睡前依然有大量食物未及消化，未被分解的血脂好容易就會累積在血管壁上，最終有機會變成動脈硬化，患上冠心病的機會就大大提高；另外糖尿病、急性胰腺癌、尿道結石、胃酸倒流等疾病都是源自太夜食晚餐所致。

第二招 -「慢」

常言道食飯要慢慢食，最近亦興起「禪食」，除咗可以慢慢品嚐食知其味，專心食飯可以安靜心靈之外，如果食飯快過30分鐘，除了更容易肥胖，亦更容易出現糖尿病、心臟病、中央肥胖等的問題亦會大大增加，所以大家一啖飯不妨咀嚼至少20次才吞下，改變少少的習慣，就對健康有大大的影響！

第三招 -「定」

定的意思除了定時，就是要定量。可能大家都知晚餐的份量越少越好，但如果做不了少食的要求，定量不太飽亦同樣重要，因為最基本如果晚餐太飽，食物未及消化，就有機會令早上沒有食慾，從而影響三餐進食及吸收，惡性循環，身體也再難健康。所以如果晚餐不多不少，每日定量多菜少肉易消化，就可以食得健康！

▼即睇更多健康資訊▼