本港天氣最近屢下暴雨，而充足的雨水令吸引不少蝸牛現身。有網民近日表示，他的同事母親較早前在公園一次過執9隻野生蝸牛回家，更興致勃勃地表示要製作法國蝸牛。不過食安中心見到之後，立即發帖回應阻止，因為係會死人！
該網民向Facebook專頁Day Day Explode 日日爆投稿，講到同事母親在外執了9隻野生蝸牛回家，欲煮法國蝸牛。同事聽罷就：「阿媽，你邊個friend咁好請你食法國蝸牛。」其母直言在公園執回家，該同事即時制止，叫母親把蝸牛放生。據知同事母親有和朋友討論如何處理蝸牛，後來同事就勸母親：「蝸牛係唔食得㗎！」最後幸好沒有炮製法國菜。
其後食安中心留意事件，即時在Facebook發文，提到野生蝸牛不能胡亂食用：「野生蝸牛存有寄生蟲嘅風險較高。呢啲寄生蟲亦會嚴重影響食用人士嘅健康。過去，台灣就曾經出現多個食咗野生捕捉嘅蝸牛而感染「廣州管圓線蟲病」嘅個案，部分人更因此連命都無埋。「廣州管圓線蟲病」係由一種叫「廣州管圓線蟲」嘅寄生蟲所引致，呢隻蟲蟲可以入侵人嘅中樞神經系統，引致腦膜炎，嚴重更可令人死亡！雖然徹底煮熟蝸牛可以消滅寄生蟲，但蝸牛從生長環境中積存體內嘅化學污染物就唔能夠消除，食物危害依然喺度。」
點擊圖片放大
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【免費睇】《香港打卡蛋糕合集》↓
↓50間蛋糕店介紹！附真實食評／選購攻略等↓
