裕美因林作母親難聽說話憤而買樓 林作FB長文力讚:願你成為香港美少女嘅榜樣

2020.09.28

31歲林作自從與32歲裕美拍拖本來都幾恩愛,不過林作母親似乎就唔多喜歡兒子的新女友,更在ViuTV節目明言要求師傅蘇民峰擺陣,想「沖走」裕美落大海,看來女方要過奶奶這一關都唔容易。

據知裕美聽到林作母親的這番話十分憤慨,所以證明自己能力,打破未來奶奶對自己的負面印象,於是日前就到日出康城的Sea To Sky銷售處買入一伙兩房單位。

身為男友的林作,拍下女友簽下臨約的一刻,更在FB發長文分享裕美32歲就做業主的喜悅,大讚女方能幹,強調裕美更是一炮過付幾十萬首期:「兩日前見到我媽媽對住傳媒講出令我不堪至極的侮辱佢嘅說話後,此女子今朝一鼓作氣,8點起身,衝咗去證明自己嘅實力 - 買樓。其實裕美喺我開始做保險嘅同時,開始咗網購嘅事業。6個月後,我買車,你估佢買咩?佢買樓。恭喜32歲成為業主。憑過去6個月個人之努力所得成績,實在令人刮目相看。」

又指裕美憑個人實力,不攀附權貴的行為最令她欣賞:「香港有極多靚女,只懂得依附在更有米,年紀打個doub嘅成功男士(最好富二代,因為更識hea)身上。但佢,完全靠自己,話俾人知,靚女唔等於係被包養嘅雞。」他希望母親不要單憑傳媒幾句閒言,而深信裕美是個不好的人,盼買樓一舉令母親對裕美改觀:「實在係值得人尊重。咩學歷、家庭背景、職業有幾尊貴,都係膚淺嘢。為人嘅本質,我敢問一句:媽媽,其實你接觸過佢未?僅僅睇出面人話佢係咩就係咩,咁真係枉我咁辛苦喺牛津讀哲學學習批判性思維。」

最後更又再抽前度麥明詩水:「裕美今日係你嘅旅程碑。再次恭喜。願你成為香港美少女嘅榜樣,唔好去咩選美、唔洗在意人地咩眼光,埋頭苦幹做好自己、養活自己,活出自己。」

不過就算發長文護花,網民依然唔多睇好,笑言林作錯重點:「錯重點囉。。 你阿媽嘅意思唔係要一個可以買到樓嘅女人,而係要一個 聰慧的港姐冠軍。」稱裕美工作多年,有幾十萬其實不算多,又有網民反問:「 搞笑。即係用「買樓」嚟衡量一個人成唔成功,就唔係「膚淺」?」而裕美就在IG分享買樓的喜悅:「買咗!Yeah!!!!」、「我已做業主,感恩」似是證明給林母看,她都有能力買樓,不過都有網民問林作是否有份。

圖:FB@林作、IG@裕美

 

立刻訂閱Telegram優惠頻道:

↓【App限定】禮品、現金券、優惠折扣等您攞!↓

立即免費下載~攞定U Fun隨時換禮遇!

立即免費下載~攞定U Fun隨時換禮遇!

↓【App限定】立即參加 ↓

勁送《100張HK$50個人護理店現金券》

勁送《100張HK$50個人護理店現金券》

評語

各區優惠、玩買食熱點!
港生活
《香港好去處地圖》
Click一Click就知道! 立即用

各區優惠、玩買食熱點!
港生活
《香港好去處地圖》
Click一Click就知道! 立即用