日本90後美少女驚現禿頭要戴假髮見人!小心6個壞習慣不知不覺造成脫髮危機

文: Kate Yeung
2020.10.23

一定要人到中年先有脫髮危機?日本女子偶像團體Electric Ribbon(エレクトリックリボン)的成員pippi(ぴっぴ)早幾年就已經在Blog中向粉絲說了因脫髮問題而禿頭,及後更演變成全身毛髮脫落的問題。脫髮問題可大可小,除了先天性原因之外,原來有一些壞習慣是會令你更容易甩頭髮!

日本女子偶像團體Electric Ribbon(エレクトリックリボン)的成員pippi(ぴっぴ)自2018年9月開始就會甩頭髮,直到年尾耳後禿了一部分沒有再生長新頭髮才驚覺事態嚴重。Pippi 現時用各式假髮去配搭妝扮,努力康復中。她的最新自拍亦可以見到有些毛髮已經重新長出。

脫髮或多或少是遺傳、免疫系統問題為主。而人一般每天會掉大概50-100條頭髮,無需過於擔心,但如果發現有以下壞習慣,就要留心了。 

壞習慣1. 髮型過緊

扎頭髮太緊會拉扯到頭髮,為頭皮、髮絲加壓力。一些髮型如馬尾、辮子頭、丸子頭都有可能會令頭皮壓力增加,要將扎頭髮力度減少,不要過緊!

 

壞習慣2. 衣著過緊

平常喜愛穿著較緊身的衣物都有可能增加甩頭髮風險!就連靴子、襪子這些容易摩擦皮膚的穿搭用品都要小心。美國皮膚病學會指出,如衣物常常與頭髮或毛囊、皮膚摩擦,容易引發「摩擦性脫髮」(Frictional aloepia)。

 

壞習慣3. 飲食缺少蛋白質、鐵質

有好多女性為了減肥,都會節食或只以沙律作正餐。但節食或者只食單一食物會造成飲食不均衡,是其中一個令你甩頭髮的壞習慣!記得每餐要均衡飲食,吸收足夠的蛋白質、鐵質,如肉類(牛、豬、雞、魚)、燕麥、杏仁等。 

壞習慣4. 使用美髮用品

不少男女都會利用直髮夾/捲髮器、定形水等美髮用品為頭髮造型。但直髮夾/捲髮器這些工具是利用熱力按壓頭髮,容易傷害髮絲,令髮絲變得脆弱,導致脫髮。而定形水等美髮用品同樣會增加甩頭髮風險。

 

壞習慣5. 經常溧染頭髮

不少人都會將沉悶的黑髮換走,染上各種不同顏色。除了大熱的啡色系髮色,不少顏色如灰色、紫色等都需要漂淺色才更顯色。但溧染頭髮對頭髮、頭皮損傷大,長時間會導致甩頭髮。

壞習慣6. 長時間曬太陽

曬太陽可以補充維他命D,適量防曬用品可以防止曬傷。但原來不知不覺之間頭髮無做好防曬措施都會曬傷!頭皮和頭髮長時間曝曬是會損害頭皮健康,導致甩頭髮。平時出門在戶外可以戴上疏氣的帽子,或以遮陽傘擋太陽,保護頭髮。

 

改善以上壞習慣,好好愛護頭皮,脫髮問題自然少一點機會出現啦!

圖片及資料來源:Pippi blog&Twitter, American Academy of Dermatology, healthline, Unsplash

即睇更多健康資訊

更多健康資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓