由兩大金像影帝劉德華和劉青雲，加埋內星女星倪妮主演的新片《拆彈專家2》預計今年底上映，「雙劉」在大銀幕前正面交鋒，火花四濺，幕後則無所不談，雖然這部是繼《嚦咕嚦咕新年財》後，兩人相隔18年再度合作，但依然默契十足。
青雲表示：「時間多與少跟默契沒有關係，有些演員會特別有火花，等於今次《拆彈專家2》，大家有共同理念。」而華仔都認為人與人之間的緣份很特別：「每次跟不同演員合作，好似入行初期同發哥(周潤發)等演員合作都會有特別默契，就算鏡頭冇特別交代是兩兄弟，出來感覺都會畀人是兩兄弟，呢個係演員間的化學作用，正如青雲同倪妮有一場戲，我在旁邊看，令我覺得『嘩』，成套電影充滿了演員嘅努力，有意想不到嘅驚喜！」
《拆彈專家2》有全新的故事和角色，上集有炸毀1:1紅隧佈景的震撼場面，今集的動作特技再創高峰，預告已經見到有炸毀香港國際機場的情節，戲中還有其他大大小小的槍戰、爆破、武打等場面，問到兩位影帝最難忘的拍攝場面，青雲坦言是當中一場「拯救」戲，二人登上一輛貨van，然後由吊臂將貨van吊上八層樓高。
「雖然導演有話吊高，但冇講會吊幾高，拍攝時候1、2、3就吊咗上去，我仲諗住會慢慢試，點知一take完成。」身旁華仔聞言即指：「雖然係好快，但見武指佢哋好認真，每次吊之前都會檢查條威吔有冇受損，以前拍戲就搵命博，而家會覺得被照顧，安全感好大。」青雲說。
而最令華仔印象深刻是另一幕：「我最深刻反而係第一次同青雲開工，感覺好新鮮，好似見返個舊朋友咁，十幾年前合作嘅感覺番晒嚟！」
華仔與青雲，在過往的電影中，先後飾演過拆彈專家，不過《拆彈專家2》令青雲有不同的體會：「好多年前我演嘅拆彈專家，是帶有喜劇感，今次是實牙實齒嘅拆彈專家，有好複雜嘅行動同大型嘅爆炸，而且今次帶出一個訊息，有啲嘢失去咗係搵唔番。」
華仔亦表示今次電影充滿令人反思的訊息，就連他亦有所覺悟：「意外同明天，大家唔會知道邊樣出現先，角色中嘅我，經常緬懷過去，然後又會話將來要點點點，但其實最重要嘅唔係過去、唔係將來，係現在，同時亦帶出世界上最危險嘅炸彈其實係人性。」
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
