被女友指不付$300太孤寒 男友稱對方貪錢似港女 反被網民鬧爆:幾百蚊都要斤斤計較

2020.11.01

兩性關係從來都是都市人最經常面對的話題。近日有位網民就在連登討論區以「女朋友突然變到好貪錢」為題,講到與女友因為一件$300的衣服而產生相處問題,更問其他網民意見,到底是「買比佢啦嗰三百蚊」,還是「死港女飛左佢吧啦」,引起網民熱議。

該位網民就在連登討論區以「女朋友突然變到好貪錢」為題,講到與女友拍拖兩年多,因為學生關係,一直以來都是AA制。而且有時兩人去食較貴的餐廳,女友都會堅持畀返一半錢。女友亦沒有要求過送禮物,所以事主都覺得女友不拜金,自言「一直都好自豪識到個咁嘅女朋友」。可是有一日女友想要一件價值300元的衣服,但因為太貴而不捨得買。男友當下說服對方買下衣服,只是女友不斷以好貴為由拒絕。事主心裡「單純覺得三百蚊有一件好想要嘅衫其實都抵呀」

誰知道男方表示對方「暗示多幾次見我唔送就開始話我孤寒」,事主感到莫名其妙,「自問我真係唔係孤寒,只係get唔到佢啲暗示。跟住佢仲要嬲左我,話我小小錢都唔肯洗去佢到」
女友更指「男朋友肯洗錢落自己到=愛自己」,事主就對此番說話感到不認同,最後堅持沒有將衣服送給對方,原因是「我覺得佢咁樣要求我真係好奇怪,佢直頭唔係嗲緊我,而係好似逼緊我送野比佢咁,佢突然變成咁我開始發現原來我一直都唔熟悉佢」所以就問網民意見:「係咪真係所有香港女仔都一定係貪錢?定只係我嗰個比較港女?點解佢會突然變到咁陌生」

事後網民熱烈討論,反而指責事主確實孤寒,「唔知以為佢要你送三萬蚊嘅衫,三百蚊都咁計較」、「你似港女多啲」、「300蚊都比唔起??」

而事主回應網民,表示自己與女友再深入這個話題,女友表示一直沒有覺得他孤寒,只是與朋友講了相關話題,才試一試男友。事主澄清:「我其實當下冇送到比佢都唔係計較300,因為我同佢一齊依2年洗喺佢到既錢已經講緊係300既唔知幾多倍,冇可能為左300蚊就同佢嘈,我係唔開心點解我付出左咁多野(無論係咪錢銀既野),但因為單單一樣野就比佢妖魔化左我」
最後事主更指自己話女友貪錢只是悔氣:「我知佢唔係真係貪錢 我都知我處理手法有問題..我當時既決定其實咪又係只會令佢更加冇安全感..我有好好同佢道過歉了 好多謝大家點醒我!」

立刻訂閱Telegram優惠頻道:

U Lifestyle自家節目登錄《U TV》專區!

↓↓試玩、試食、試用影片任您睇↓↓

試玩、試食、試用影片任您睇

【神徒福利】教主Anson Lo快問快答大爆料!

↓即睇免費獨家足本專訪↓

即睇免費獨家足本專訪

評語

獨家優惠

輕掃查看其他優惠