工人姐姐暗黑早餐系列再獻新猷 張敬軒硬啃「鏗鏗聲」超硬熱狗許廷鏗：睇牙搵我！
歌手張敬軒自10月聘請了一位新的家傭後，自此就開啟了「暗黑早餐」系列的IG帖文，軒仔經常分享工人姐姐所煮的「暗黑早餐」，由於工人姐姐所煮的早餐配搭往往令軒仔大開眼界，忍唔住要公諸同好，網民也表非常「羨慕」軒仔有位創意無限的工人姐姐，為生活中增添不少樂趣。今日工人姐姐再獻新猷，炮製出稍為有顏色的料理，但沒想到是硬到可以敲出「鏗鏗」聲的熱狗。
張敬軒自上月起聘請了一位新的工人姐姐後，軒仔的工人姐姐早餐系列吸引大批網友留名追post，繼一連多日白粥、方包後，軒仔表示工人姐姐昨晚預告整吞拿魚三文治。
今早軒仔起床見到桌上的作品，貌相似乎不俗，至少色彩豐富，不再是白粥和方包，但話口未完，一拎起就見真章，熱狗的包底堅硬，用它敲碟可以發出「鏗鏗」聲，軒仔搞笑地加上hashtag「個包個Key係E6」、「個包鏗鏗鏗鏗聲」、「唔知是咪賀許廷鏗出碟呢」，帖文也吸引到牙醫出身的許廷鏗留言：「喂……咁硬既……我幫到你呀…… 棚牙」看來軒仔咬熱狗咬到牙爛都唔驚。
點擊圖片放大
軒仔表示這位工人姐姐過去有廿多年照顧老人家的經驗，不過唔知係咪老人家的口味都比較清淡，所以工人姐姐初來報到時，頭炮早餐竟然是放涼了白粥配兩件腐乳，食到軒仔成朝有氣無力，緊接幾天他再食到燶底牛角包和各式各樣味道最清淡的麵包做早餐。
日前連「Chef LeMon」謝霆鋒都睇唔過眼，出手教姐姐整簡單的腸仔，不過第二日姐姐的作品再次令軒仔「驚艷」，成功煎燶全部腸仔。
都有網友都嘗試為工人姐姐平反，指她的廚藝和最初比較已經稍有進步，不過依然期待之後她會再做出甚麼新花款的暗黑早餐。
來源：張敬軒IG
港生活人氣本地熱話
全新功能《U GO》強勢登場🎉！
立即探索🔍本地熱門活動📍好去處🔔食買玩情報
↓【限時搶⚡】勁送Neoflam不鏽鋼食物保鮮盒↓
↓密封防漏及分隔式設計｜耐用又環保 ↓
