【全民造星3】卓韻芝「唔好啦」表情到位成萬能key 人人啱用講埋打工仔真實心聲

2020.11.15

最近聽到「唔好啦」3隻字都好似有聲咁,仲要係卓韻芝把聲。因為她在ViuTV大型選秀節目《全民造星3》中,面對參賽者世界是粉紅色的魔樂師葉小妍失聲痛哭,開正卓韻芝最唔鐘意個瓣-女人喊,於是卓韻芝堅決地講出三隻字:「唔好啦」。

早幾集《全民造星3》中,31歲魔樂師葉小妍(小妍)的歌聲被指有如破地獄,結果一盞藍燈都冇。而葉小妍賴死唔走之餘,更聲淚俱下求評判畀多次機會。

可是眼淚攻勢對評判之一的卓韻芝實在冇用,而且變得更加不耐煩,於是她藐咀兼一副覺得厭煩的樣子,堅決地說:「唔好啦。」將對小妍的不滿意顯露得很到位。

誰知卓韻芝一句「唔好啦」成為了網絡熱話,更被網民製作成為memes圖,連她自己本人都抽自己水,她說:「我好想同你哋一齊批評我,可恨仲未有機會睇。其實世界好多人同埋事,都想「唔好啦」爆佢......」更製作成Whatsapp表情貼圖,非常抵死。 

有網民話卓韻芝的「唔好啦」非常萬能,可以應用到不同層面,包括前度想復合、做仰臥起坐再堅持多一下、客人想你賣平啲,還有上司想你OT,都能完美演繹到,十分搞笑。

圖:ViuTV、IG@卓韻芝

立刻訂閱Telegram優惠頻道:

U Lifestyle自家節目登錄《U TV》專區!

↓↓試玩、試食、試用影片任您睇↓↓

試玩、試食、試用影片任您睇

評語

獨家優惠

輕掃查看其他優惠