【張敬軒演唱會2020】爆紅「遮遮」終於現真身!帶埋方包探班預告軒仔食咩早餐

2020.11.28

《張敬軒 X 香港中樂團盛樂》昨晚來到第六場,最近被軒仔一手捧紅的家傭「遮遮」終於來到演唱會現真身,軒仔隆重介紹坐在VIP席的「遮遮」,即時令全場觀眾都相當興奮,「遮遮」突然抽出一袋方包,似乎示意這就是軒仔第二朝的早餐!

張敬軒聯乘香港中樂團的演唱會進行得如火如荼,近日軒仔於IG分享的「遮遮」早餐系列成為城中熱話,軒仔個唱首場已經預告「遮遮」有可能現身,令粉絲都相當期待,昨晚來到第六場, 千呼萬喚的「遮遮」終於登場!

於第四環節,軒仔笑著向大家介紹:「我想同大家介紹一個好朋友,佢就係你哋每日在網上見到幫我煮早餐那位姐姐!」 坐於VIP席的「遮遮」,隨即開心起身同台上面的軒仔及觀眾打招呼,令全場觀眾掌聲歡呼聲不斷!

「遮遮」見軒仔咁開心,觀眾又咁熱烈,突然於座位旁抽出一袋方包,似乎想向軒仔示意,已經買了他翌日早餐,引得全場再次爆笑及掌聲。而見到「遮遮」揮着麵包,軒仔都忍唔住大笑,反問:「What?! No bread  again!啲包係for breakfast or 宵夜?hahahahaha......Thankyou anyway for comimg……」觀眾又再次笑到碌地。

軒仔話「遮遮」本來係準備請來照顧來港團聚的父母:「佢之前一直照顧開八十幾歲婆婆,所以佢最初來到,佢有問我,Sir,我好耐未照顧過teenager!你有咩想食?煎蛋?煎腸?那些大家都在網上見到啦,雖然唔係我心目中朝朝可以比個半島早餐我的工人,但當我影完佢煮給我的早餐,分享出來俾大家咁開心,帶到俾好多人歡樂,所以我今晚要多謝下遮遮,Thank you for bringing the joy to my life!你為好多朋友帶來多快樂。」現場大家又再一次給熱烈掌聲「遮遮」,「遮遮」就開心再站立多謝大家支持。

 

來源:英皇娛樂提供

立刻訂閱Telegram優惠頻道:

U Lifestyle自家節目登錄《U TV》專區!

↓↓試玩、試食、試用影片任您睇↓↓

試玩、試食、試用影片任您睇

評語

獨家優惠

輕掃查看其他優惠