相信不少人家中都試過堆積陳年雜物的情況，近年「斷捨離」成為熱話，不少人都開始追求「Less is More」的生活方式。ViuTV最近就推出新節目《執屋》，由「雜物諮詢師」阿橙為節目嘉賓收拾家中雜物，教導大家如何斷捨離。第一集嘉賓Jessie的家就震撼了節目的執屋小隊。
一入門，映入眼簾的就是被雜物淹沒的大廳，90度棟直的梳化最為搶鏡。由於大廳幾乎沒有活動空間，Jessie就表示自己與爸爸每次回家都直接入房，而自己平時與男朋友食飯亦會屈在睡房進食，大廳淪為擺設。
執屋小隊成員兼嘉賓好友的Kathy仔就形容Jessie是拖延症末期，每次都覺得可以過幾天後再收拾，慢慢導致家中雜物變多。至於廳內的梳化，她解釋自己棟直梳化是因為貓貓喜歡在梳化後面大小二便，為了方便清潔索性將梳化90度直放。
去到浴室，執屋小隊成員小占都忍不住感嘆「污糟過公廁」。只見廁所內擺滿一堆雜物，包括大量已用完的洗頭水樽，因長時間擺放而佈滿污漬。Jessie指洗頭水就快用完的時候，爸爸會加水繼續用，之後她就不會再理會洗頭水。
至於廚房方面，由於Jessie男朋友會煮飯，所以廚房稍微有整理過，情況比廁所好。儘管如此，廚房亦暗藏不少陳年雜物，包括1978年的利賓納樽，不過執屋小隊猜測裡面裝的是跌打酒。此外更有一早已硬化的紅色膠手套。
Jessie睡房方面，同樣佈滿雜物，地下更擺滿電線，被執屋小隊警告有漏電隱患。
最後執屋小隊成功清理大堆雜物，將Jessie的家大改造，變回一個「住到人」的屋企。
來源：ViuTV《執屋》
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
