【香港愛情故事】打工仔情侶心頭高冇錢但想買大屋 地產經紀勸租劏房:等到收經都買唔到樓

2020.12.13

TVB新劇《香港愛情故事》劇情對白貼地,講出不少在香港社會下情侶面對的種種難題,引起不少觀眾共鳴,在台慶劇包圍之下脫穎而出。最近劇情就講到龔嘉欣搬入羅天宇家中後,經常要受老爺白彪氣。有一日,她終於無法忍受,決定與羅天宇外出睇樓打算置業。

飾演地產經紀兼羅天宇好友的林景程,帶龔嘉欣與羅天宇睇樓。兩人先嫌第一間沒有獨立廚廁,再嫌第二間太細,睇到第三間既有獨立廚廁又夠大的單位才感到滿意,龔嘉欣更以「dream house」形容第三間單位。

不過,兩人並沒有能力負擔這個「dream house」。林景程就直言兩人心頭高,預算卻非常有限,勸兩人向現實低頭。龔嘉欣就表示買樓是一輩子的事情,當然要慎重考慮,不能像街市買菜。林景程就反駁指很多有錢人買樓就像買菜。

他勸羅天宇降低置業要求,要不然租劏房就是唯一出路。龔嘉欣就無奈地表示不想租樓,林景程道出情侶置業的心酸:「你無錢啊嘛,無錢選擇自然細,係咪都買咗先,平平哋,到時你咪放囉,你再係咁等落去,你等到佢收經都買唔到樓」,他再補充香港樓市的局面:「香港地有樓就密密買多幾層,無樓就幫人供多幾層,你哋想做邊種人」。

有網民表示地產經紀的說話雖然難聽刻薄,卻是為這對情侶好,點醒他們面對現實。有人就讚劇情寫實引起共鳴,笑中有淚。

來源:《香港愛情故事》

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓