《開心速遞》Andy天生無右耳被同學嘲笑 崔錦棠剃頭拍劇突破心理關口以真面目示人

2020.12.15

《愛回家之開心速遞》中飾演「接龍花生友之一Andy」的崔錦棠(Tony),早前接受近日接受香港電台《守下留情》的訪問,大講自己的成長故事和入行經過,提到自己天生無右耳時,曾經歷過的遭遇。

Tony講起自己的成長經過,他的一家七口在就80呎加閣樓的家成長。長大畢業後他曾讀過廚師,可是他熱愛跑步,所以他專注練跑參加比賽,毅然放棄了酒店廚師的高薪工作。後來Tony在電影公司和航空公司做過跑腿,輾轉之下加入有線電視擔任體育主持。

後來崔錦棠被無綫邀請過檔,不過因TVB不重視體育新聞,於是叫他轉做藝人拍劇。加入TVB之後,試過做Uber司機,再慢慢地收入變得穩定。

有網民發現崔錦棠少了隻右耳,他坦言有唔開心:「我一出世冇咗隻耳仔,畀同學仔笑,當年我堅持唔剪頭髮,遮住佢,點知校長話『邊個笑你,叫佢嚟校長室!』,咁當然冇用,一定會笑。」而因為少了右耳的關係,工作上也會遇到阻礙:「當時做體育直播,耳機一邊收聽香港直播廠,另一邊係現場導演,因為我一邊聽唔到,真係冇辦法,唯有將音量調較到最大聲,希望用左邊耳仔聽埋。」

雖然崔錦棠現在是一名演員,不過Tony還是會擔心耳朵的外觀,從而影響拍劇工作。他提到加入TVB初期都會特意留長頭髮遮掉右邊。直到Tony要拍《天命》時,因為是古裝劇,所以Tony要剃頭,當時他向監製提及苦衷:「我話剃頭唔係問題,不過我隻耳仔係咁樣,導演就話冇問題照去,係自己第一次坦蕩蕩見人。其實都幾難受呀,因為有時右邊影大頭好覺眼,我不時都見到網友留言,雖然佢哋冇惡意,但個心難免唔舒服。」

圖:FB@崔錦棠
立刻訂閱Telegram優惠頻道:

U Lifestyle自家節目登錄《U TV》專區!

↓↓試玩、試食、試用影片任您睇↓↓

試玩、試食、試用影片任您睇

【神徒福利】教主Anson Lo快問快答大爆料!

↓即睇免費獨家足本專訪↓

即睇免費獨家足本專訪

評語

獨家優惠

輕掃查看其他優惠