【香港愛情故事】林景程演地產經紀道盡港人買樓心酸 喜劇功力爆發講金句如棟篤笑獲激讚

TVB劇集《香港愛情故事》除了講述香港情侶的感情故事之外,亦反映了現今香港樓價高企之下小市民遙不可及的置業夢。劇中飾演地產經紀的林景程,雖然只是配角,但每次出場都相當搶鏡,憑幽默抵死的言論及搞笑自然的演出贏得觀眾讚賞。

林景程飾演地產經紀Henry,每次睇樓買樓的場面都一定有他的身影。不少網民都讚他演繹的地產經紀入型入格,口才一流的他更不斷爆出精警金句,被指有幾分棟篤笑的味道。

一開始,他帶龔嘉欣及羅天宇睇樓盤,見到兩人預算不足又心頭高想買大單位,就勸他們租劏房或者買細單位:「你無錢啊嘛,無錢選擇自然細,係咪都買咗先,平平哋,到時你咪放囉,你再係咁等落去,你等到佢收經都買唔到樓」抵死言論道盡小情侶置業心酸

之後龔嘉欣與羅天宇決定租劏房暫住,林景程一樣展現出高超口才,將劏房講到變筍盤。見到單位狹窄,他就表示細有細好:「人生最花時間就係食、瞓、屙,你呢度轉個身乜嘢都做到喎,慳返你人生幾多時間」,又指劏房可以節省清潔時間:「想掃耐啲都冇」,最搞笑是大讚單位地理位置一流:「黃大仙做你鄰居,鄰居梗係會守望相助,有乜法子唔好」,相當過癮。

除了龔嘉欣與羅天宇,林景程亦有帶遊嘉欣的留學生朋友劉子碩抽新盤。本來劉子碩只是打算感受下買新盤的狂熱氣氛,坐在旁邊的林景程就相當肉緊,聽到抽中號碼後興奮到忍不住跳上椅歡呼。

林景程的生動演出為劇集增添喜劇色彩,即使只是配角仍相當搶鏡,令網民相當入戲,叫他快點考經紀牌,又表示想他帶自己睇單位。


來源:《香港愛情故事》

下一頁

立刻訂閱Telegram優惠頻道:

U Lifestyle自家節目登錄《U TV》專區!

↓↓試玩、試食、試用影片任您睇↓↓

試玩、試食、試用影片任您睇

評語

獨家優惠

  • 美國OYO NOVA便攜式全方位健身器–升級版HK$100優惠代碼

    Searching C

  • 花語 · 春日海景雙人下午茶HK$15優惠代碼

    香港挪亞方舟豐盛閣餐廳

  • NOKIA P3802A 主動降噪耳機HK$50優惠代碼

    Searching C

  • 更多優惠

輕掃查看其他優惠