劉佩玥摸黑倒車差啲連人帶車跌落河 幸得好拍檔激動拍車大聲喝停救返條命

2020.12.21

TVB上位花旦之一劉佩玥近日忙於拍攝《把關者們》,日前她在IG的限時動態上分享一張黑白相,相中可見她的座駕泊在斜坡邊緣,而斜坡外就是一條河流,看來阿Moon剛經歷了一件驚心動魄的事件。

劉佩玥在IG Story分享了一件驚心動魄的事件,她說:「今日如果唔係丁子朗及時叫停我,我會連人帶車跌咗落去,好似啲電影咁慢慢沉落水底!感謝神,英雄在身邊,多謝你呀丁丁!」

阿Moon後來向傳媒大談到事發經過,她指當日未天光就開工,到達目的地時就要倒車將座駕泊好,不過架車又偵測唔到有其他阻礙物,後來見到另一拍檔丁子朗落車向阿Moon大叫唔好再倒車,大聲到隔住玻璃都聽到。此時劉佩玥才意識到就快出事,所以停下。

劉佩玥落車發現架車與河邊好近,而且河流看起來好深,此時大嘆一口氣覺得自己大難不死,日後一定會打醒十二分精神。而丁子朗笑言見到阿Moon就快跌落崖,本來未瞓醒都被對方嚇到醒晒,馬上落車拍阿Moon車叫停。而阿Moon就透露差點出事之後,收到不少朋友問候,笑言點解佢做傻事,又指媽媽睇到新聞之後都表示好擔心。

圖:ig@劉佩玥、丁子朗

立刻訂閱Telegram優惠頻道:

U Lifestyle自家節目登錄《U TV》專區!

↓↓試玩、試食、試用影片任您睇↓↓

試玩、試食、試用影片任您睇

【U Jetso】禮品、現金券、折扣等您攞!

↓ 立即免費下載~攞定U Fun隨時換禮遇! ↓

立即免費下載~攞定U Fun隨時換禮遇!

評語

獨家優惠

輕掃查看其他優惠