80、90後童年回憶一講就識唱!重溫10大洗腦經典美食廣告

2020.12.25

每日大家都會接觸到各式各樣的廣告,但有幾多個真正能令你留下深刻印象?提到經典廣告,相信以下10個懷舊美食廣告一眾80、90後腦中都會即時想起洗腦的廣告歌及廣告標語,可謂大家的集體童年回憶,一齊睇睇你記得幾多個啦!

1. 吉百利朱古力 2009

兩個小朋友直視鏡頭,眉毛跟住節奏起舞。吉百利朱古力這個詭異的廣告,成功吸引觀眾的注意及討論。當時不少人也拍片模仿廣告中的小朋友,其背景音樂當時亦成為了不少人的電話鈴聲呢!

 

2. 維他奶 Stand By Me 2009

維他奶這首Stand By Me廣告旋律輕快動聽,並刻畫出不同性格與面貌的香港人,形象正面樂觀,深入民心。當時亦成為不少人中學班際合唱的參賽曲目!

3.  益力多「你今日飲左未呀?」2003

另一個非常成功的廣告,莫過於益力多的「你今日飲左未呀?」系列廣告,廣告播出後,這標語隨即變成萬能Key:「你今日_左未呀?」,到今時今日仍然廣被使用。

 

 

4. 旺仔小饅頭 2003

有別於其他廣告,這個廣告以普通話演繹,歌曲十分洗腦,配上演員的舞蹈,以前的小朋友都會朗朗上口地唱。

 

 

5. 榮華臘腸 2000 

榮華臘腸的廣告亦十分經典,由林海峰Rap出(或者叫數白欖)臘腸的特點,例如製作地點、方法,具資訊性之餘亦十分具娛樂性,到現在大家都應該隱約記得點唱!

「元朗自設嘅大工場

生哂原味靠哂個太陽

充滿陽光嘅榮華臘腸 

食落就知甘香 

榮華臘腸 家家讚賞」

6. 出前一丁麻油麵 1999

雖然這個廣告只是用上簡單的卡通表達,但單是妹妹不停重複「出前一丁麻油麵」就夠入腦,最後一句「家家食出前一丁,有美味有歡笑」,只看文字都會有聲出呀!

 

7. 時興隆 1991

「時日渡過亦全不變樣......」,時興隆的主題曲相信對於80、90後並不陌生,皆因兒時一到放學時間,電視經常就會播出,廣告更有走馬字幕,應該是當時小朋友的熱門歌曲!

 

8. 萬里望花生 1988

同是時興隆品牌,萬里望花生的廣告歌同樣洗腦,而且經常都會連同上述廣告一齊播,單是「小小咸,多多脆」,甚麼回憶都馬上湧現啦!

 

9. 維他朱古力奶 1986/2007

講到洗腦,相信大部分的香港人都會記得這個廣告,全因它跨越了幾會時代,由1986年的原版,到2007的復刻版,一句「如果太多牛奶味朱古力味冇定企」,大家都一定接到下一句,絕對是香港家傳戶曉的廣告呢!

10. 陽光檸檬茶 2010

「如陽光伴我,清新笑迎面~」這首廣告歌詞及旋律深入民心,廣告中的校園初戀愛情故事,羞澀清新又可愛!

下一頁

立刻訂閱Telegram優惠頻道:

U Lifestyle自家節目登錄《U TV》專區!

↓↓試玩、試食、試用影片任您睇↓↓

試玩、試食、試用影片任您睇

【U Jetso】禮品、現金券、折扣等您攞!

↓ 立即免費下載~攞定U Fun隨時換禮遇! ↓

立即免費下載~攞定U Fun隨時換禮遇!

評語

獨家優惠

輕掃查看其他優惠