PTGF出街8次後示愛想做正式情侶 港男要求有得食軟飯先應承拍拖 網民鬧爆:唔好妄想啦

2020.12.28

近日有男網民就在討論區分享同過PTGF(兼職女友)出街數次之後,對方萌生起愛意,後來更主動表白,望能成為真正的情侶關係。不過該男子的想法,就被網民一致地鬧爆,到底點解?

該名港男早前在於香港討論區以「PTGF同我講想我做佢正式男友」為題,講到最近認識了一名20歲的PTGF(兼職女友),大讚她樣子甜美而且身材不錯。

兩人出街大約7-8次,「做了唔同的活動」後,女方表示對事主有感覺,示愛想成為男女朋友關係。而事主聽到對方表明心跡,卻表示「如果我做佢正式男友的話,我係唔會有錢供養到佢,因為我冇正職,而家約佢的洗費都係來自現任女友比我的零用錢。」

而港男又坦言如果對方為了供養他,繼續做PTGF賺錢的話,自己內心過唔到關,答案都是不可能成為男女朋友。而男方後來更「苦口婆心」地勸對方:「趁後生努力搵錢,我應承佢如果他日佢可以在唔做ptgf的情況下比到零用錢我,我就可以正式做佢男友。現在呢段期間我會繼續用現任女友的零用錢去約會佢,維持在ptgf關係。」

網民看到港男的言論後即留言鬧爆,質疑他作故仔,直斥他「喺度發夢」、「唔好妄想啦」,又指他本身都已經在食軟飯,有現任女友的情況下仍找PTGF,是渣男的行為,不可原諒。

圖:UNSPLASH

 

立刻訂閱Telegram優惠頻道:

U Lifestyle自家節目登錄《U TV》專區!

↓↓試玩、試食、試用影片任您睇↓↓

試玩、試食、試用影片任您睇

評語

獨家優惠

輕掃查看其他優惠