新一年就快到，想打掃家居迎接新一年，不過某些家品如微波爐、地毯、廚房爐頭等，好難徹底清潔。日本節目《グッとラック! 》就曾請來一位家事達人，推介5種實用小工具，教你運用家中隨手可得的小工具徹底清潔微波爐、地毯、廚房爐頭、趟門門罅、鏡面的水垢！
廚房爐頭
廚房爐頭經常接觸油煙，會積聚不少污垢，單用清潔劑及抹布，好難完全清除頑固的污垢，家事達人就推介用舊卡就可以解決。將一些舊卡剪去一個角，就可以剷起爐頭污垢，就連狹小的罅隙都可以清潔到！
微波爐
要清潔微波爐原來用一條毛巾和一張保鮮紙就可以！先將毛巾濕水，再用保鮮紙包起，放入微波爐以500W叮2分鐘，蒸氣會令內部污垢溶化，2分鐘後可以用保鮮紙擦乾淨。
地毯
好多人會用吸塵機或除塵棒清潔地毯，不過家事達人就指，有一個更簡單方法都可以清潔地毯！答案就是膠手套，戴著膠手套與地毯磨擦就可令頭髮及塵埃等脫離地毯，輕鬆除塵。
趟門門罅
門罅有好多鬼祟位置未必用手就清潔得到，用間尺加一塊布就可以解決！
鏡面
廁所鏡面容易積聚水垢，家事達人就指用檸檬就可以解決這個煩惱。首先用檸檬汁輕輕印上鏡面，再包上保鮮紙待10分鐘後，用百潔布抹一次就可以清除水垢。
來源︰《グッとラック! 》
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
↓《社群狂歡大激賞》↓
↓送香港迪士尼樂園1日標準門票60張！↓
