老婆問上司借10萬買樓竟獲一口答應 港男暗生煩惱唔知老細咩居心 網民:帽事嘅

2021.01.03

疫情之下,樓市未見大幅度回落,不少夫婦買樓都要諗過度過。最近有位港男就與老婆計過條數,表示有足夠資金可以支付首期,但老婆後來卻以為了「手頭鬆啲」,而向上司借十萬。

該名港男日前就在「香港討論區」,就以「我老婆問老細借錢畀首期」為題,提到自己最近打算置業,已看過幾個樓盤,又指與老婆計算後,持有的資金都足夠畀到首期。

而老婆就表示她的上司向來都很關照她,而且自己又想「手頭鬆啲」,可以有更多錢裝修,於是就想問老闆借多3個月糧,然後再慢慢還。當時港男不以為然,就話問下都無壞,誰知對方一口應承借十萬。

而該港男現時形容自己「騎虎難下」,因為「唔知對方咩居心」、「我唔想借, 但我老婆又已經好開心咁覺得解決左件事…都話怪自己衰多口同太有自信…」

港男透露自己育有2名子女,而太太的上司是已婚男性,而老婆之所以不向親戚借錢,原因是怕有說話聽:「老婆覺得問親戚朋友都係欠人情仲有說話聽,反而佢老細好照顧員工,唔會有問題咁話喎。」但港男對老婆上司心存懷疑,因為覺得唔會咁順攤借10萬畀員工。

而網民留言表示:「帽事嘅」嚇得港男更加擔心。同時又勸事主唔好借:「你借嘅唔係10萬,而係人情呀,之後有排還」,又指問老闆借錢,「以後有事第一個搵你」,不過有人覺得唔出奇,「老闆賺錢。多,借錢爽手小小都正常」。

 

圖:unsplash

 

立刻訂閱Telegram優惠頻道:

U Lifestyle自家節目登錄《U TV》專區!

↓↓試玩、試食、試用影片任您睇↓↓

試玩、試食、試用影片任您睇

評語

獨家優惠

  • 92折優惠及送《鬼滅之刃》抗菌口罩套乙個

    Toys Lab HK

  • 台灣白白褲HK$30優惠代碼

    Searching C

  • 二人同行享9折優惠

    Indie Tree 星空香薰蠟燭小夜燈工作坊

  • 更多優惠

輕掃查看其他優惠