TVB節目《東張西望》女主持黎寬怡日前在《萬千星輝頒獎典禮2020》訪問最佳男配角得主白彪，不過就被網民轟失禮及欠尊重。當時她在訪問尾聲多謝白彪接受訪問，其後聽到工作人員表示可以上台影合照，隨即尖叫一聲就轉身跑走，令白彪不知所措一臉茫然跟住行。
其後她在IG撰文為事件解釋，指自己看到有關報道「感到非常吃驚」。她指當時已經完成與白彪哥的訪問：「而我們都跟有他說謝謝以表明我哋已經完成訪問了」。之後有《東張西望》同事叫她上台拍照，「可能直播期間，我的聲線比較輕而做成今次一個誤會」。
她指自己會吸取經驗，以後會做得更好，希望有一天可以成為大家喜歡的主持。圈中人袁偉豪留言安慰黎寬怡：「冇問題呀」，亦有網民留言鼓勵及支持她：「人係無完美，但有keep住進步嘅心就夠了」、「沒事的，下次小心D」、「其實睇得出你已經好好 進步好大」。不過亦有網民認為她死撐：「得一句『唔該晒彪哥』之後有人緊接叫『快啲上台影相喇』之後尖叫跟住就飛奔上台眼尾都冇再望過彪哥咩叫尊重？一啲大體都唔識」、「冇禮貌就認啦仲喺度死撐」、「不知所謂 根本係唔稱職嘅主持，訪問緊啲前輩 一啲都唔尊重」。
有網民就留言指黎寬怡過往訪問多次出錯，表現欠佳：「自己諗下平時表現有幾差而令到啲人都仲要借題發揮」、「一時爆喊一時癲笑，再唔係就訪問時講野仲多過受訪者，真係我見過最唔專業最差嘅主持人」、「唔係想撩交嗌，但做完訪問感謝左對方後，有人叫你要離開都可以同對方講一聲，表示自己要離開，而唔係多謝完即時跑走 同場成日無啦啦做訪問喊，真係嚇死受訪者」。
作為《東張西望》主持之一的黎寬怡，曾訪問過不少明星。最經典的就要數之前與張衛健做訪問，突然眼泛淚光，之後更爆喊。雖然張衛健嚇一跳，但不忘暖心安慰黎寬怡，叫她不用緊張。自此她亦被封為「爆喊主持」，是《東張西望》的喊包。
之後她訪問馬德鐘、吳卓羲、黃宗澤及胡定欣，一開始興奮大叫「《衝上雲霄》的場景又出現了，好經典啊」，吳卓羲笑言「得你一個興奮」。之後黎寬怡問眾人有否在後台瘋狂自拍及回味以前玩得瘋狂的日子，向來喜歡搞鬼的吳卓羲及黃宗澤就唱反調指大家個性冷漠關係一般。結果黎寬怡又開始眼泛淚光，胡定欣就表示「又喊了」，更出手安慰黎寬怡令她冷靜下來。因為有訪問張衛健期間爆喊的前科，這一次不少網民留言批評她只懂得哭，但主持及訪問技巧不見進步。
最近她訪問客串《香港愛情故事》的影后葉童，指「導演搵你唔係因為你嘅演技」，葉童「吓」了一聲，之後反應快地表示「因為麻麻哋，（戲）屎」。黎寬怡隨後就表示「佢話因為睇中你氣質」。有網民就批評黎寬怡不懂得主持，經常講錯話：「『唔係因為演技』記者講錯嘢」、「個主持不知所謂」、「個主持再做以後罷睇大台！咁冇禮貌嘅人都用真係冇人咩？」、「佢應該講除左演技之外，仲有一樣優點，就係有氣質。咁人地聽落會舒服d」。
早前她訪問《非凡三俠》的周秀娜、黃宗澤及張智霖，講到周秀娜在大馬拍劇有豔遇。黎寬怡就問「兩位男士在那邊沒有（豔遇）嗎？」，令張智霖有點愕然：「我⋯我已婚了，你知唔知？」。黎寬怡就補充指「也會有狂蜂浪蝶，不是已婚的就絕緣了」，張智霖就表示「我心如止水」。有網民重提訪問，指她提出的問題經常令人無言以對，看起來令人覺得她沒有做足功課了解受訪者。
來源：《東張西望》、IG@黎寬怡
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
