30歲港男色心起被氹送3萬蚊名貴手袋 重提約見25歲清純港女唔得米經歷大呻中伏

2021.01.15

雖然現時有不少人使用交友App認識異性,希望從而找到另一半,不過交友過程實在要小心,否則一不留神就會變成了騙局。最近有位30歲港男在討論區大呻,本來以為在交友App實到真命天女,可是對方並不這樣想,更令事主最後得不償失。

該名30歲港男就在香港討論區以「以後唔再上網媾港女」為題,大呻自己在網上交友中伏的經歷。他講到自己玩交友App源於已有一年多時間沒有拍拖,打算認識一個真心交往的女朋友。而玩交友App幾個月期間,終於認識到一個約25歲、外表清純的女文員。最初事主就讚女方:「同佢傾咗幾日,又幾好傾,係公屋妹嚟嘅,收入又唔多,應該都唔會太物質啦!之後我主動約佢出嚟見面,我以為真人同相會好大出入,又唔係,同相差唔多。」

最初事主就跟女方講:「我問佢有咩想要,我想買比佢,當係見面禮,佢竟然話唔使」事主更心想自己遇到不重物質的港女是執到寶,不過後來是惡夢的開始。

兩人去食日本菜,女方卻點全餐廳最貴的食物,埋單要千五蚊。其後再與對方行街,到了一間手袋專賣店,女方更要求事主送一個價值3萬蚊的手袋,最初事主甚為抗拒,但後來女方出言引誘對方:「話如果我買比佢,話今晚可以陪我」事主馬上起色心,二話不說用信用卡簽帳。後來兩人手拖手走到酒店前,女方突然話屋企人有時要即走。搞到事主最後要自己一個人身在3000晚房價的酒店中度過,第二日再找對方,已經被女方封鎖了。

網民就表示只怪事主「衰咸濕」,所謂「色字頭上一把刀」,為人太急進後反而令自己蒙受損失。事主後來回覆網民表示自己好肉赤,因為他的人工每月只有兩萬五,手袋的價錢相等於一個半月的薪水,令他深受教訓,更希望將來要認識內地的女性。

來源:香港討論區

圖:Unsplash

立刻訂閱Telegram優惠頻道:

U Lifestyle自家節目登錄《U TV》專區!

↓↓試玩、試食、試用影片任您睇↓↓

試玩、試食、試用影片任您睇

評語

獨家優惠

輕掃查看其他優惠