人到中年要面對衰老、家庭、感情問題外，最怕就遇到失業危機！早前內地就推出一款騎呢PC遊戲《中年失業模擬器》引起不少網民討論，講述35歲的主角被被公司解僱，為家人仔女及房貸要賣命搵錢，遊戲劇情寫實到令人有共鳴。
《中年失業模擬器》遊戲畫風簡陋且畫積粗糙，但就引起不少人關注。遊戲講述玩家扮演一名35歲的上班族阿巴，每個月為支付家庭開支和$15000的房貸而努力工作，但一日卻突然被公司解僱，為繼續搵錢決定用上所有資源和技能。
玩家可以進行各式工作來賺錢，例如做的士司機、送外賣、執垃圾、做搬運工人、採礦工人、做網紅開網上頻道賣產品、開餐廳等等，另外仲可以開一家融資或基金公司，賣債券和賣股票，總之用盡方法來維持生計。但賺錢需要體力，每日可活動的體力有限，用完就要回家休息。
既然賺錢方法數之不盡，遊戲又點會簡單讓你過關，當你辛辛苦苦賺到第一桶金後，又會出現各式各式各樣的隨機事件需要處理，例如體力疲勞出現病症、壓力過大、自尊心受挫、家人患重病要醫療費用、家人投資失敗等等，又是各種難關要玩家搵錢。
遊戲設定搞笑又貼近現實，引起不少網民討論，有人表示「遊戲充滿真實感，切身體會到中年危機」、「遊戲未上市，現實就已經玩緊」等。《中年失業模擬器》在1 月 4 日已登陸Steam平台，有興趣可以一試，＞＞按此＜＜。
來源：Steam
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
