TVB童星Jacky仔結束20年演藝生涯 22歲王樹熹離港到日本打工定居

2021.01.22

著名TVB童星Jacky仔轉眼已經22歲,去年11月在城市大學媒體與傳播系畢業,更是以一級榮譽畢業,相當叻仔。網民對於Jacky仔轉眼變大個,不禁慨嘆時日飛逝。Jacky仔近日有新動向,就是他決定離開香港。

1998年出生的王樹熹,03年開始就在TVB拍攝《皆大歡喜》,後來因為在劇集《翻新大少》飾演歐陽震華的兒子Jacky仔,當年精靈活潑且演戲毫不造作的Jacky仔深得觀眾歡心而成功入屋,自此觀眾就稱呼他做「Jacky仔」。後來因為要專注學業的關係,所以減少幕前演出,後來考入香港城市大學媒體與傳播系,更以一級榮譽畢業,可見他成績不錯。

最近他在個人IG上載於機場離境大堂的照片,原來他決定離開香港到日本工作及定居:「2020年嘅挑戰,直到2021年先實現到。其實…我要搬去日本工作啦!」他稱今次的決定是要離開舒適圈,「初時都係抱著試下嘅心情申請,竟然符符碌碌就合格咗。雖然去日本就代表要放棄香港嘅生活同工作,但係最後都下定決心挑戰,去一個似乎熟悉卻唔熟悉嘅地方,跳出自己嘅舒適圈。」
他又感激家人及朋友對他的鼓勵及支持,又感慨地表示:「接近20年嘅演藝生涯(我都唔相信),好高興可以同觀眾以及一直支持我嘅粉絲一齊成長。今次嘅挑戰雖然唔係向演藝嘅道路發展,但係都係我宜家最想嘗試嘅事。我會繼續分享我係日本嘅經歷同埋趣事,希望你哋繼續陪著我啦!」有睇住Jacky仔長大的網民留言送上祝福及打氣,希望他工作順利,在日本有好的發展。

 

圖及來源:IG@王樹熹

 

立刻訂閱Telegram優惠頻道:

↓會員迎新禮遇150 U Fun換禮遇↓

↓ 立即入App到任務區領取 ↓

立即入App到任務區領取

【港生活7周年】10月激賞祭

↓↓第三擊送Breville智能意式咖啡機↓↓

第三擊送Breville智能意式咖啡機

評語

獨家優惠

輕掃查看其他優惠