現年36歲的張致恆，兩年前與粉絲雯雯奉子成婚，當時被爆一腳踏多船，又欠債纍纍，搞到關智斌及鄭希怡要借十萬填氹。現時疫情之下，Steven就要到處撲水養家，近日就有報導指他仍然周街債主，但Steven擺到明有錢唔還。
36歲的張致恆成為爸爸後，因為要養老婆仔女，成為了經濟的支柱。有指近一年疫情期間，他頻頻北上拍攝電影及出商場活動幫補家計，假日都不能回港，但相比不少藝人都算係咁。
因為不停工作賺錢，難有時間陪老婆，所以就請工人幫忙照顧兩個兒子。不過早前老婆雯雯出post公審Steven，講到自己手上很多東西包括電器，想叫工人姐姐出來幫手，但Steven卻話姐姐好忙唔知點叫，這段小事意外地觸動了其他人神經。
有指Steven的多年好友、嫩模馮鎵瀠Naomi見到雯雯的公審post睇到火遮眼，即時在Facebook留言表示：「點解有藝人有錢請工人，有錢買新電器，又冇錢還返畀我？」更透露自己而家都冇工開。雖然沒有指明是Steven，但Steven的弟弟都有留言表示有同一想法，令人覺得Naomi正是斥責張致恒。
據知Steven是借錢慣犯，專向圈中人下手，如林盛斌及張彥博都有中招。加上張致恆沒有就自己的財政狀況而購物，經常靠借錢買不必要的物品予兒子。
點擊圖片放大
後來Steven在IG澄清：「因為疫情影響底下被炒過好多次，我有努力工作搵錢希望可以支撐到屋企之餘仲可以還到錢俾朋友，但係而家嘅路實在太難行，工作完嘅收入都唔夠屋企開支，想淨少少錢還俾朋友都唔得，令到有好多朋友都好唔開心，我喺度要同所有借過錢俾我嘅朋友道歉，一直以來我都還唔到錢俾你地真係對唔住。」同時回應表示工人早於兩年前請，電器也是靠積分去換，絕對沒有有錢特登唔換的情況。不過Naomi似乎不接受說法，更直接開名叫Steven盡快還錢，不要選擇unfollow IG逃避。
圖：IG@張致恆、Naomi、林盛斌、張彥博
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
《社群狂歡大激賞》！送hellolulu最新系列袋款🎁！
