傳張致恆到處借錢阿Bob有份中招 有工開寧買新電器請外傭唔還錢 嫩模債主呻:我反而冇工開

2021.01.27

現年36歲的張致恆,兩年前與粉絲雯雯奉子成婚,當時被爆一腳踏多船,又欠債纍纍,搞到關智斌及鄭希怡要借十萬填氹。現時疫情之下,Steven就要到處撲水養家,近日就有報導指他仍然周街債主,但Steven擺到明有錢唔還。

 

36歲的張致恆成為爸爸後,因為要養老婆仔女,成為了經濟的支柱。有指近一年疫情期間,他頻頻北上拍攝電影及出商場活動幫補家計,假日都不能回港,但相比不少藝人都算係咁。

因為不停工作賺錢,難有時間陪老婆,所以就請工人幫忙照顧兩個兒子。不過早前老婆雯雯出post公審Steven,講到自己手上很多東西包括電器,想叫工人姐姐出來幫手,但Steven卻話姐姐好忙唔知點叫,這段小事意外地觸動了其他人神經。

有指Steven的多年好友、嫩模馮鎵瀠Naomi見到雯雯的公審post睇到火遮眼,即時在Facebook留言表示:「點解有藝人有錢請工人,有錢買新電器,又冇錢還返畀我?」更透露自己而家都冇工開。雖然沒有指明是Steven,但Steven的弟弟都有留言表示有同一想法,令人覺得Naomi正是斥責張致恒。

據知Steven是借錢慣犯,專向圈中人下手,如林盛斌及張彥博都有中招。加上張致恆沒有就自己的財政狀況而購物,經常靠借錢買不必要的物品予兒子。

後來Steven在IG澄清:「因為疫情影響底下被炒過好多次,我有努力工作搵錢希望可以支撐到屋企之餘仲可以還到錢俾朋友,但係而家嘅路實在太難行,工作完嘅收入都唔夠屋企開支,想淨少少錢還俾朋友都唔得,令到有好多朋友都好唔開心,我喺度要同所有借過錢俾我嘅朋友道歉,一直以來我都還唔到錢俾你地真係對唔住。」同時回應表示工人早於兩年前請,電器也是靠積分去換,絕對沒有有錢特登唔換的情況。不過Naomi似乎不接受說法,更直接開名叫Steven盡快還錢,不要選擇unfollow IG逃避。

圖:IG@張致恆、Naomi、林盛斌、張彥博

立刻訂閱Telegram優惠頻道:

評語

獨家優惠

  • 【至筍貨】廚房消毒濕紙巾10片裝

    維達

  • 二人同行享95折優惠

    The Handcrafter 純銀黏土製作體驗班

  • 二人同行減HK$50

    Hand Drip Coffee 手沖咖啡 x 掛耳包 Workshop

  • 更多優惠

輕掃查看其他優惠