成日都講環保，其實大家於日常生活是否真的有做好環保呢？環保的方法好多又好簡單，例如：購物時拎少一個膠袋、將廢物做好分類兼回收、出門口前熄哂所有電器，甚至於餐廳走飲管都已經係一個綠色行動！
由今期開始，我們將會提供不同類型的環保小貼士，希望大家持之以恆連續做21日，養成「綠色習慣」，為地球及大家的未來貢獻一份綠色力量。
Tips 1：10分鐘沖完涼 做個慳水寶寶
根據水務署家居用水調查，統計出香港人每次淋浴平均耗用60至70公升食水，冬天更甚。要做到10分鐘沖完涼，其實好簡單，只要每次縮短一分鐘沖涼時間，就可以節省10公升食水！在等待凍水溫熱時的清水也可以保留下來，用作刷牙洗面或清潔家居。另外，你也可以安裝節能花灑頭，以提升日常生活中的節水效益。由現在開始，加快沖涼時間，慳水節約能源啦！
Tips 2：區區有回收 做好分類出分力
「回收的廢物根本沒有後續處理，最後只會扔進堆田區」？近日政府就於多區開設「綠在區區」回收環保站、回收便利點及回收流動站。當中8種常見的回
收物，包括廢紙、金屬、塑膠、玻璃樽、四電一腦、小型電器、慳電膽及光管、充電池等均設回收。
為鼓勵巿民更積極參與，更推出「綠綠賞」智能積分
卡，憑卡賺取電子積分及兌換小禮品，例如麵食、毛巾、調味料等。大家也為環保出一分力吧！
Tips 3：熄咗唔用嘅電器呀，唔該！
以為用遙控熄電器佢就真係熄咗？其實佢依然消耗緊微量嘅電力以維持控制。以一般家庭嚟計，如果熄晒電視、音響、WIFI等約10至20件喺備用狀態嘅電器，總耗電量足足減少達3%。3%聽落好似好少，但係凡事積少成多，各人多做一步，加加埋埋就可以減慢消耗地球資源。除咗選購備有「低備用狀態能耗」及有能源標籤嘅電器，當你平時行開行埋，喺屋企去沖涼、喺公司去開會或lunch時，善用電器嘅待命或休眠mode，同埋熄咗個mon都慳到唔少電架！
Tips 4：唔開暖氣！都可以暖笠笠
天寒地凍，點可以無暖爐？但係暖爐耗電量高，不如即睇以下三個方法，保暖又減碳，為環保出一分力。第一是三文治式冚被法，以毛毯作床墊，瞓上去再冚厚被，能夠阻止人體熱力流失，暖住睡一覺；第二是在家著襪，甚至著襪瞓覺，當
對腳夠暖就已經係保暖第一步；第三是用熱水泡腳，有說腳是第二個心臟，腳底保持溫暖，成個人血液循環亦會更好，以攝氏38至40度的熱水泡腳10分鐘，成個人都暖笠笠！
Tips 5：唔好用呀！減少使用抹手紙
洗完手，大家習慣性都會拎張紙巾抹手，甚至拎兩張、三張，抹乾雙手。這一個看似普通的動作其實一點都不環保。而且大部分抹手紙，在生產過程中加入不易分解的物質，以強化其堅韌度，因此亦不能回收。所以，大家洗手後不如將雙手移至乾手機，或者以手帕代替，輕輕一個舉動也能愛護地球
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【免費睇】《香港打卡蛋糕合集》↓
↓50間蛋糕店介紹！附真實食評／選購攻略等↓
