新冠肺炎疫情影響之下，各行各業的生意都大受打撃。不過總有人逆市下仍能谷底反彈，就好似陳豪，近日就有消息指他在疫情之下，仍無損他的吸金能力，更愈賺愈多搬埋新屋㖭！
去年有報道指以3000萬續約，成為TVB最高薪藝人，吸金力依然強勁，加上繼續經營咖啡店及甜品店生意，賺千萬確實冇難度。雖然近日陳豪避談收入，但承認最近搬新屋，而搬屋的重任就落在老婆陳茵媺身上。所以不難見到陳茵媺近日在IG分享搬屋的過程，更親自落手包辦鑽牆、砌櫃等。
據知陳豪本來在大埔比華利山有1一個近2500呎的大單位，但為了三名子女入讀港島區國際學校，於是搬到港島，入住月租7萬的南灣嘉麟閣。今次搬屋就搬到隔離座。而新屋的露台可以睇到日落與海景，早前就見到陳茵媺分享老公在露台對住靚BBQ，可見一家人相當識享受！
雖然陳豪一定已正式入伙，但家裡還有地方未佈置好，見到陳茵媺搬屋充滿心機，對屋企的陳設都一絲不苟，她更落手做電工，用錘仔同電鑽組裝電視櫃，果然多才多藝。
圖： ig＠陳豪、陳茵媺
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
