鄧兆尊豪花150萬家用氹3個女友 大爆某港姐自薦做四奶求包養 望每月有3萬蚊

2021.02.10

林文龍、鄧兆尊和網絡紅人達哥近日主持節目《今晚有牌打》,邊打麻雀邊傾計。最近邀請到古明華、法科師傅七仙羽擔任嘉賓,而七仙羽對鄧兆尊的情史充滿興趣,於是追問對方。

係人都知鄧兆尊的感情生活十分精彩,所以節目中法科師傅七仙羽就好想知道細節,於是就問鄧兆尊與3位紅顏知己Carmen、Cherry及陳小姐如何相處,直接問對方:「你每個月畀幾多錢你3個老婆?」鄧兆尊聽到這個問題,卻有點緊張,表示他的家用是以年計:「我唔係每月畀,係每年畀,我哋係長期合約嚟!1年50、60萬到咁啦!每一房。」即是每年花150萬,每一房一個月就有5萬蚊家用。 

七仙羽聽完沒有罷休,就問女友收到咁多家用,要做啲咩時,鄧兆尊就回應:「冇咩要做,喺我屋企就得!做啲基本嘢,煮吓飯,除咗嗌交之外咩都可以做。」又講到送iPhone真係好閒:「iPhone之嘛,壞咗咪買囉!食得幾多,唔係好多㗎啫!」七師傅就話以鄧兆尊的身家,年付150萬家用真係濕濕碎,不過鄧兆尊就澄清:「我食飯都未夠,我屋企最多,即係磚頭,但對到嘅錢至係錢,嗰啲係cash,我冇咁多cash。」

而七師傅其後就大爆有一位港姐朋友,擁有上圍豐滿而且眼大大,其實鄧兆尊都識對方,而該港姐曾望有人搭路,問到可否以月薪3萬畀鄧兆尊包養做「老婆」。不過鄧兆尊就不為所動,自言港姐唔係佢杯茶。

圖:《今晚有牌打》、七仙羽fb

立刻訂閱Telegram優惠頻道:

U Lifestyle自家節目登錄《U TV》專區!

↓↓試玩、試食、試用影片任您睇↓↓

試玩、試食、試用影片任您睇

評語

獨家優惠

輕掃查看其他優惠