近日有位港媽陷入抉擇,因她遇到一個心目中比老公更好的人,奈何自己有一個兩歲女,並不是話離婚就離婚,但自己的心已飄到另一個男人身上,於是就在網上討論區問其他人的意見。
該名港媽近日就在網上討論區親子王國,以「有筍盤埋身,好想同老公離婚…但個女得2歲」,講到自己在朋友婚禮認識了一位異性,直言「傾咗幾個月大家好情投意合,仲要住港島」
事實上該名港媽的老公月入只有萬幾蚊,「學歷又唔高,而家一家住元朗唐樓……平時開支都係50、50咁出。」遇到新認識的異性後,更是覺得「結左婚4年乜感情都淡曬」
有網民即時炮轟她,指港媽的行為是「拋夫棄女」,又表示「你同你老公結婚時唔知佢學歷唔高咩?」、「乜感情咁化學咩?」而港媽即時反駁:「我有話過要掉低個女咩?仲有,個男人住跑馬地唔係Cheap(低下)區,想帶個女生活好啲都錯咩?」網民留言依然不留情,直言該港媽只是嫌老公窮,叫她要諗清楚。
來源:親子王國