30歲的吳業坤3個月前到日本開展工作假期，但至今仍未真正「Working」，為了令工作假期可以留下美好回憶，他就決定來一次「東海道53次」之旅，簡單來講就是由京都徒步走路到東京，預計行大約16日。
吳業坤至今已經行了4日，不過沿途就不如理想，除了行到膝頭痛差點想放棄外，他更在途中遇上狂風暴雨，他說：「咁我就醒啦去FamilyMart買兩個膠袋笠住，等對鞋唔好入水不過五分鐘後膠袋入哂水。」
之後他到居酒屋與老闆傾偈，發現當地人話東海道好少人會一口氣行晒，搞到坤哥聽完馬上懷疑人生，不禁自問係咪太戇居。不過坤哥好快收拾心情：「我又唔係咩旅遊達人KOL，為咗介紹呢條東海道，只不過我係想行就係咁簡單，有時成日都聽到人哋點點點，自己就不如點點點，搞到原本嘅計劃兩頭唔到岸，所以都係用番自己嘅節奏去做，戇居啲咪戇居啲囉，咁先係自己呀嘛！睇哂攻略跟足哂係可能係好方便，但自己去發掘先有樂趣嘅，行到幾多就幾多啦！」充滿正能量。
而話咁快，坤哥已經由京都行到去名古屋，相信他都會繼續堅持落去，因為他覺得「人嘅適應力真係好強大！」。
圖：ig@坤哥
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
