4月過完生日就63歲的藝人魯振順入行多年，在TVB拍攝過不少經典劇集，更有「綠葉王」之稱。由於他甚少提及感情，加上身邊不見女伴，一直有傳聞指魯振順是同性戀。日前他接受新城電台節目訪問自爆婚訊，透露自己正在蜜運中。
魯振順在節目中談及婚訊，表示自己正在蜜運中，透露兩人打算在疫情完結後結婚，並指女友是41年前一齊參加歌唱比賽而認識的女同學。他指自己獲高人指點改名，之後重遇多年前的女同學：「佢比我後生6年，嗰陣我哋有一齊上堂，不過因為我要兼顧訓練班，邊有時間參加同學聚會，變咗唔算有太多交流。好奇怪，舊年佢睇完我啲訪問後，了解咗魯振順，原來我係咁慘，又覺得我好真，居然搵返我」，兩人共譜黃昏戀。
魯振順的母親在17年離世，他覺得女友是母親安排的緣分：「就連佢（女友）都話可能係阿媽派佢嚟陪我，直覺想見我，我第一次食佢包嘅餃子，一食就喊，因為同我阿媽包嘅味道一模一樣，好Warm，所以就更加珍惜」。
他又表示嚮往成家立室的生活，之前見到陳榮峻同吳香倫結婚，令他十分羨慕，幸好現在亦遇上了對的人。關於婚禮，他表示會等到疫情完結才會舉行，打算大排筵席：「到時我哋會唱歌，部份人情可能會拎嚟做善事， 所有嘢由等女友負責，佢成日話要幫我爭番口氣，唔好成日都話我係Gay」。
圖：FB@魯振順
」，
App內睇文同睇片可隨時捕捉U Fun彩蛋，
換領現金券及禮品！
↓【免費試用】PHYSIOGEL全新面膜！✨↓
↓ 逆齡秘方㊙️! 實證即時提升肌膚彈性 ↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
