【開心大綜藝】王祖藍回巢第一撃扮行政長官抽自己水 網民望見尷尬:2021年都仲係咁

2021.04.11

TVB新節目《開心大綜藝》今日首播,節目開始就有「疫情記者會」,就由阮兆祥飾演張竹笙醫生,影射張竹君醫生;陸永扮圓教授,影射袁國勇教授),更有王祖藍扮藍太,影射行政長官林鄭月娥,以過去福祿壽形式來搞笑。

王祖藍所扮的藍太,其名銜是「Cheap Creative Officer 無綫特別堆填區行政長官」。而王祖藍更開口歡迎Eric Kwok和羅敏莊從「友台」(ViuTV)回歸。後來更在熒幕顯示姜濤的圖片,並說「表示非常歡迎佢」,阿Bob此時跑出來大叫︰「你又抽水!食屎啊!」疑是自嘲早前記者會發生的扮姜濤事件。 

王祖藍講到︰「我留意到部分境外傳媒對我嘅言論作出抹黑同故意扭曲」亦自信TVB改革後,會有另一番新景象:「我哋唔會迷失多一個十年,因為我哋有《尋人記》,去尋找初心。我哋堅決否定山頭文化,因為我哋有《諸朋好友》。我哋唔會日日做菜,因為有《日日媽媽聲》。我哋唔會自娛自樂,只會與眾同樂,我哋有《開心大綜藝》。」最後眾人唱出張智霖經典金曲《祝君好》,表示向張竹君醫生和袁國勇教授致敬,讚揚在抗疫期間的付出。

王祖藍事後表示,希望節目緊貼時事,與市民脈搏可以同步,過往比較少做類似形式,希望以開放態度,可以嬉笑怒罵一點。雖然熱話比較敏感,但王祖藍覺得值得嘗試,望能有新的改革。不過有些網民就不太受落,覺得新節目望落仍似睇緊「福祿壽」,難以相信現在是2021年。

圖:《開心大綜藝》

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶連環賞】Cetaphil舒特膚透亮抗敏系列!↓

↓ 照顧哂您成個護膚程序!打造亮白光感肌! ↓

↓ 照顧哂您成個護膚程序!打造亮白光感肌! ↓

↓《社群》寵物祭2023!3大重點送禮活動↓

↓貓狗奴有福了!立即參加守護毛孩健康!↓

↓貓狗奴有福了!立即參加守護毛孩健康!↓

評語

相關文章