曾志偉評ViuTV收視低非翡翠台對手 193@ERROR連珠發炮霸氣反擊:J2係咩嚟?

昨(4月11日)晚,香港兩個電視台ViuTV及TVB均有重頭節目推出,分別是《最後一屆口罩小姐選舉》決賽及《開心大綜藝》首播。被問及對於兩台節目互撼有何看法,曾志偉直言友台僅得約4點收視,加上節目題材亦較為偏門,只可以與J2作比較而非翡翠台對手。

曾志偉認為翡翠台與99台的路線不同,並非翡翠台的同類型競爭對手,指99台應是與J2作比較。他以《口罩小姐》為例,指TVB翡翠台選港姐就是選港姐,並不會戴住口罩選美,所以J2才是ViuTV的同類型競爭對手。曾志偉又表示會檢討J2的節目發展,希望能更加年輕化。

對於曾志偉認為ViuTV收視低並非翡翠台對手,負責主持《口罩小姐》的組合Error在決賽前夕亦有回應。提及兩台互撼,肥仔就表示從來沒有擔心「打唔打」,193就表示「因為都真係打唔贏」,肥仔再補充指兩台觀眾層不同,所以「冇得打」。對於被指收視低,193就直言「做好自己節目就OK,做好節目一定多人睇,收視點得嗰幾百部電視機,我哋不嬲都唔介意」又隔空反擊:「佢哋係畀啲老嘢睇,我哋係咩年齡層都有,係咪啊?」

關於曾志偉講到ViuTV應與J2作比較,193繼續霸氣反擊:「J2係咩嚟㗎?J2係做咩㗎?哦40幾歲仲做後生仔傾吓偈嗰個啊嘛?我冇記錯」。Dee就問肥仔「你點睇呀『志偉』」,肥仔笑言「你咁樣燒落嚟 好難接喎 打和啦唔好煩」,又打圓場表示無論什麼電視台都好,多人睇電視就最好,吸引到市民回家開電視就已經算成功。

圖:TVB、ViuTV、IG@ERROR、193、DEE、肥仔
立刻訂閱Telegram優惠頻道:

↓會員迎新禮遇150 U Fun換禮遇↓

↓ 立即入App到任務區領取 ↓

立即入App到任務區領取

↓「App限時搶」大派現金券!↓

↓記得逢星期三3PM入App搶!↓

記得逢星期三3PM入App搶!

評語

獨家優惠

  • 【限量周邊】UU熊2022座枱月曆 (獨家)

  • 珮氏驅蚊爽防水手帶(米奇加史迪仔)

    珮氏

  • 【永安旅遊會員限定】購買香港Staycation套票滿 $800減 $100

    永安旅遊

  • 更多優惠

輕掃查看其他優惠