《愛‧回家》男演員被嘲上TVB綜藝老土 發火反擊唔識MIRROR:what the Fxxx!係咪有病

2021.05.10

近期娛樂圈最熱門的話題,必定是ViuTV的組合MIRROR及ERROR。近日有位TVB藝人就發文分享自己上《開心大綜藝》,卻疑似被行內人嘲笑「太老土連阿婆唔識笑」,結果就在IG與網民開火,更忍不住爆粗。

TVB男藝人衛志豪日前做《開心大綜藝》時,他分享IG了花絮,豈料有一位疑是行內人私下回應他,傳送MIRROR開騷的相片給他,更取笑TVB的節目「太老土連阿婆都唔識笑」,結果令衛志豪嬲爆。

衛志豪將對話截圖,更直言自己不認識MIRROR,其後發千字文炮轟對方:「Sorry 我真係瞓唔著!我想問吓識得我嘅朋友,有冇人可以答到我,呢個人究竟正職係做乜,友台工作人員、演唱會宣傳人員、藝人經理人、定保母???但呢位先生唔知點解係都要撩我,我真係忍唔住,你唔delete啲對話 我都冇咁嬲,你delete即係你覺得唔啱數,最憎啲人講過嘅嘢唔算數,答咗你咁耐,最後話可能send錯,咁我惟有講出嚟等大家評吓理,如果我有錯,我可以公開道歉。」

他後來忍不住講到爆粗:「你可以話我演技差、口才唔好或者樣衰都得,但你唔可以抹煞一個節目成功與否,每樣嘢都有人鍾意有人唔鍾意,你唔鍾意想叫人認同你?個節目我都有份做,你想我畀咩反應你,成個節目嘅人都係我朋友!個個都識十幾年!what the Fxxx !係咪有病」

雖然衛志豪承認不識MIRROR:「唔認識呢班後生仔,佢哋都唔會識我,但我都佩服佢哋!祝演出成功。」

圖:IG@衛志豪、MIRROR

立刻訂閱Telegram優惠頻道:

↓「U Lifestyle App限時搶現金券」↓

↓全年逢星期三3PM入App搶!↓

全年逢星期三3PM入App搶!

評語

獨家優惠

輕掃查看其他優惠