【MIRROR演唱會2021】Alton個人七分鐘棟篤笑感動全場 自嘲冇存在感曾被家人誤會已退團
MIRROR一年六場的九展演唱會日前圓滿落幕，12子落力跳唱備受讚賞之外，31歲的成員Alton壓軸的個人棟篤笑環節同樣成為了焦點，Alton以7分鐘的演講感動在場觀眾，更自嘲在團內似乎欠缺存在感，更曾經試過被媽媽問到是否已經退出了MIRROR。
MIRROR成員Alton（王智德）雖然在演唱會上並沒有個人跳唱演出的機會，但就獲花姐安排在姜濤solo表演之後壓軸出場，獨自進行7分鐘的個人棟篤笑環節。Alton甫出場先質疑花姐為什麼會有這個決定，再問觀眾有冇試過數出12位成員時，總會忘記其中一兩位。Alton更大方地分享，由於自己在團裡給人極低的存在感，曾經在組合出歌時就被家人問到是否退出了MIRROR，於是在風趣地自嘲在團歌《Reflection》裡跟成員Frankie合共有2.9秒的歌詞。
其後，Alton就大講其他成員的優點，指自己「唔夠姜濤多廣告、又唔夠Ian多fans、又唔夠Anson Lo跳舞咁扭得、又唔夠Jeremy男女通殺、又唔夠Jer咁唱得、又唔夠Edan咁冇包袱、又唔夠Tiger咁後生、又唔夠隊長Lokman有風範、又唔夠Frankie靚仔、又唔夠Stanley高大、又唔夠AK咁大膽喺頒獎禮上黑面」，在場一眾粉絲聞言就歡呼得更為落力。Alton為一解入團的原因，原來曾經問過花姐，答案就是感染力，有正能量感染觀眾。
Alton接着講起大學時期朋友討論人生未來動向，當時自己夢想是開演唱會，但就被朋友潑冷水：「王智德（Alton中文名）你憑乜？你開到演唱會，我食咗張poster」而演唱會來到尾場，Alton亦拿出一張「已找數」的海報，指該位朋友真係找數食咗張poster，更笑言幸好海報並非紅隧的超大廣告尺寸。
Alton的棟篤笑圍繞「憑乜嘢」三字作為中心，坦言MIRROR兩年半前出道時承受着不少負評，還在台上回帶「3年後仲喺度再同我講」的討論區留言，表示MIRROR十二子兩年多後仍然在舞台上，感謝粉絲無私的愛和支持。Alton最後更淚灑舞台，哽咽地作出一番感言「條路好崎嶇，一路行嚟唔容易，但我知道，因為有你哋。人生就係要堅持，先去到目的地」，場面感動。
現年31歲的Alton，在MIRROR團內的跳唱表現可能並非最亮眼，但過去自參與《全民造星》至到今次演唱會，Alton都以肌肉的身形觀眾留下印象，肌肉男的形象鮮明突出。早在參加《造星1》時，Alton就大方展示過傲人胸肌，明言「肌肉就是力量」。之後在《造星2》時在「MIRROR實力排行榜」曾經位列榜末，經演出後上至第七位，令人刮目相看。
褪去藝人身份，Alton私底下是一名健身教練， 開始自己的健身室成為老闆，這次演唱會亦不吝大騷身形，與隊友AK、Frankie、Lokman，Tiger齊齊騷肌跳唱Medley曲目，5人以白色恤衫、黑色吊腳褲look登場，更脫去上衣，在台上解鈕換衫，令全場尖叫聲不斷，掀起高潮。
圖及來源：IG@Alton
港生活人氣本地熱話
【限時登記領取🎁】韓國No.1人氣保濕產品！
WELLAGE超強爆水珠珠💧 x 防曬新品🌞
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
